ന്യൂദല്ഹി: രാമരാജ്യമെന്ന ആശയം ആദ്യം സ്വപ്നം കണ്ടത് മഹാത്മാഗാന്ധിയായിരുന്നുവെന്ന് ആചാര്യ പ്രമോദ് കൃഷ്ണം. പ്രധാനമന്ത്രി നരേന്ദ്രമോദി ആ സ്വപ്നം യാഥാര്ത്ഥ്യമാക്കുകയാണ് ചെയ്തത്. പാര്ട്ടി വിരുദ്ധ പ്രവര്ത്തനങ്ങള് നടത്തിയെന്നാരോപിച്ച് കോണ്ഗ്രസില് നിന്ന് പുറത്താക്കിയതിന് പിന്നാലെ പ്രതികരിക്കുകയായിരുന്നു അദ്ദേഹം.
ഞാന് കോണ്ഗ്രസിന്റെ ജോലിക്കാരനല്ല, അതൊരു ജോലിയായി ഞാന് കണ്ടിട്ടുമില്ല. രാജ്യത്തിന്റെ പുരോഗതിക്കായി നല്ല തീരുമാനങ്ങള് കൈക്കൊള്ളുന്ന പ്രധാനമന്ത്രിയെ കോണ്ഗ്രസ് വെറുക്കുകയാണ്. രാജ്യത്തെ ജനങ്ങളുടെ ക്ഷേമത്തിന് വേണ്ടി പ്രധാനമന്ത്രി എടുക്കുന്ന തീരുമാനങ്ങള് അഭിനന്ദനാര്ഹമാണെന്നും അദേഹം വ്യക്തമാക്കി.
സനാതന ധര്മ്മത്തെ ഇല്ലാതാക്കാനാണ് കോണ്ഗ്രസ് ആഗ്രഹിക്കുന്നത്. പ്രധാനമന്ത്രിയെ കാണുന്നവരെ പോലും കോണ്ഗ്രസ് വെറുക്കുകയാണ്. ഇങ്ങനെയൊരു അവസരത്തില് എന്നെ പാര്ട്ടിയില് നിന്ന് പുറത്താക്കുന്നതില് നിര്ണായക പങ്ക് വഹിച്ച കോണ്ഗ്രസ് നേതാക്കള്ക്ക് നന്ദി പറയാന് ഞാന് ആഗ്രഹിക്കുന്നു. അദ്ദേഹം പറഞ്ഞു.
