പാലക്കാട്:പാലക്കാട് റെയില്‍വെ സ്റ്റേഷനില്‍ രണ്ടു കേസുകളിലായി 21 കിലോ കഞ്ചാവ് പിടിച്ചെടുത്തു. രണ്ടു കിലോ കഞ്ചാവ് പിടിച്ചെടുത്ത കേസില്‍ ഒരാളെ പിടികൂടി. അസം ബര്‍പേട്ട സ്വദേശി ഹൈദര്‍ അലി (63) ആണ് പിടിയിലായത്.
റെയില്‍വേ സംരക്ഷണ സേനയുടെ പാലക്കാട് കുറ്റാന്വേഷണ വിഭാഗം, പാലക്കാട് എക്‌സൈസ് എന്‍ഫോഴ്‌സ്‌മെന്റ് ആന്‍ഡ് ആന്റി നര്‍ക്കോട്ടിക് സ്‌പെഷ്യല്‍ സ്‌ക്വാഡ് എന്നിവ സംയുക്തമായി റെയില്‍വേ സ്റ്റേഷനില്‍ നടത്തിയ പരിശോധനയിലാണ് ഉപേക്ഷിച്ച നിലയില്‍ കഞ്ചാവ് കണ്ടെത്തിയത്. മൂന്ന് ബാഗുകളിലായി 19.180 കിലോ കഞ്ചാവാണ് കണ്ടെടുത്തത്.
ഏകദേശം ഒന്‍പതര ലക്ഷം രൂപയോളം വിലവരുന്ന കഞ്ചാവ് പ്ലാറ്റ്‌ഫോം നമ്പര്‍ മൂന്നില്‍ നിന്നുമാണ് കണ്ടെടുത്തത്.പരിശോധനകളില്‍ നിന്ന് രക്ഷപ്പെടാന്‍ യാത്രക്കാരുടെ ഇരിപ്പിടത്തിനടിയില്‍ ഉപേക്ഷിച്ച് കടന്നു കളഞ്ഞതാണെന്നാണ് കരുതുന്നത്. പിന്നാലെ സ്റ്റേഷന്റെ പ്രധാന കവാടം കേന്ദ്രീകരിച്ച് പരിശോധന നടത്തവെയാണ് രണ്ടു കിലോ കഞ്ചവുമായി ഹൈദര്‍ അലി പിടിയിലാകുന്നത്. എക്‌സൈസ് കേസടെുത്തു.
