കോട്ടയം: വൈക്കത്ത് നിന്ന് ഗോവയില് പുതുവത്സരം ആഘോഷിക്കാന് പോയ 19കാരനെ കാണാനില്ല.കുലശേഖരമംഗലം സ്വദേശി സഞ്ജയെ ആണ് കാണാതായത്. ഗോവ പൊലീസും തലയോലപ്പറമ്പ് പൊലീസും അന്വേഷണം തുടങ്ങി.
ഡിസംബര് 29 നാണ് സഞ്ജയും കൂട്ടുകാരും ഗോവയിലേക്ക് പോയത്.30ന് ഗോവയില് എത്തിയ ഇവര് 31 ന് ആഘോഷ പരിപാടികളില് പങ്കെടുത്തു. വാ കത്തൂര് ബീച്ചിലായിരുന്നു ആഘോഷ പരിപാടികള്.
എന്നാല് ഇവിടെ വച്ച് കൂട്ടം തെറ്റിയ സഞ്ജയെ പിന്നീട് കണ്ടെത്താന് കഴിഞ്ഞില്ലെന്നാണ് സുഹൃത്തുക്കള് പറയുന്നത്.
ഉടന് ഗോവ പൊലീസിനെ അറിയിച്ചെങ്കിലും കണ്ടെത്താന് കഴിഞ്ഞില്ല.ബന്ധുക്കള് തലയോലപ്പറമ്പ് പൊലീസില് പരാതി നല്കിയ പ്രകാരം തലയോലപ്പറമ്പ് പൊലീസ് ഗോവയിലേക്ക് തിരിച്ചു. സഞ്ജയുടെ ബന്ധുക്കളും ഗോവയില് എത്തിയിട്ടുണ്ട്.
