മലപ്പുറം: മഞ്ചേരിയില്‍ വാഹനാപകടത്തില്‍ കുട്ടിയുള്‍പ്പെടെ അഞ്ച് പേര്‍ മരിച്ചു.കര്‍ണാടകയില്‍ നിന്നുള്ള നിന്നുള്ള ശബരിമല തീര്‍ത്ഥാടകര്‍ സഞ്ചരിച്ച ബസും ഓട്ടോയും കൂട്ടിയിടിച്ചാണ് അപകടം. ഓട്ടോറിക്ഷയിലുണ്ടായിരുന്നവരാണ് മരിച്ചത്.
ഓട്ടോ ഡ്രൈവര്‍ അബ്ദുല്‍ മജീദ്, മുഹ്‌സിന, തെസ്‌നിമ, റൈസാ, മോളി എന്നിവരാണ് മരിച്ചത്. സംഭവ സ്ഥലത്ത് വെച്ച് തന്നെ അഞ്ചുപേരും മരിച്ചിരുന്നു. കിഴക്കേ തലയില്‍ നിന്ന് പുല്ലൂരിലേക്ക് പോയ ഓട്ടോ ആണ് അപകടത്തില്‍ പെട്ടത്. നാല് കുട്ടികളും രണ്ട് സ്ത്രീകളുമാണ് ഓട്ടോയില്‍ ഉണ്ടായിരുന്നത്. ഒരു കുടുംബത്തിലെ അംഗങ്ങളാണ് ഇവര്‍.
പരിക്കേറ്റവരെ കോഴിക്കോട് മെഡിക്കല്‍ കോളേജിലേക്ക് മാറ്റി. നിലവില്‍ പരിക്കേറ്റ ആരുടേയും ആരോഗ്യനില ഗുരുതരമല്ല.ഓട്ടോറിക്ഷ പൂര്‍ണമായും തകര്‍ന്നു.
