മലപ്പുറം: അബുദാബിയിൽ നിന്നും കരിപ്പൂർ വിമാനത്താവളത്തിലൂടെ കടത്താൻ ശ്രമിച്ച സ്വർണം പിടികൂടി. 76 ലക്ഷം രൂപയുടെ സ്വർണമാണ് പിടികൂടിയത്. സംഭവത്തിൽ രണ്ട് പേരെ പോലീസ് അറസ്റ്റ് ചെയ്തു. യാത്രക്കാരനെയും സ്വർണം സ്വീകരിക്കാനെത്തിയ ആളുമാണ് പിടിയിലായത്.
അബുദാബിയിൽ നിന്നും കരിപ്പൂർ വിമാനത്താവളത്തിലെത്തിയ മലപ്പുറം വളാഞ്ചേരി സ്വദേശി ഷഫീഖ് ആണ് അറസ്റ്റിലായത്. 1,260 ഗ്രാം 24 കാരറ്റ് സ്വർണമാണ് പിടികൂടിയത്. സ്വർണം കാപ്‌സ്യൂൾ രൂപത്തിലാക്കി ശരീരത്തിനുള്‌ളിൽ ഒളിപ്പിച്ച് കടത്താനായിരുന്നു ശ്രമം.
70 ലക്ഷം രൂപ ചിലവഴിച്ച് സ്ഥാപിച്ച ആധുനിക എക്‌സ്‌റേ സംവിധാനങ്ങളും മറികടന്ന് എയർപോർട്ടിന് പുറത്തെത്തിയ പ്രതിയെ രഹസ്യ വിവരത്തിന്റെ അടിസ്ഥാനത്തിലാണ് പിടികൂടിയത്. ആശുപത്രിയിൽ എത്തിച്ച് മെഡിക്കൽ എക്‌സറേ പരിശോധനയ്‌ക്ക് വിധേയനാക്കിയതോടെ വയറിനുള്ളിൽ നാല് കാപ്‌സ്യൂളുകൾ കണ്ടെത്തി.
