കുവൈറ്റ് സിറ്റി : കുവൈറ്റ് അന്താരാഷ്ട്ര വിമാനത്താവളത്തിലെ ടെർമിനൽ 1-ൽ നിന്നുള്ള വിമാന സർവീസുകൾ പുനരാരംഭിച്ചു. കുവൈറ്റ് ഡയറക്ടറേറ്റ് ജനറൽ ഓഫ് സിവിൽ ഏവിയേഷനാണ് ഇത് സംബന്ധിച്ച അറിയിപ്പ് നൽകിയത്.
2026 ജൂൺ 1 മുതൽ കുവൈറ്റ് അന്താരാഷ്ട്ര വിമാനത്താവളത്തിലെ ടെർമിനൽ 1-ൽ നിന്ന് അറബ്, മറ്റു വിദേശ വിമാനകമ്പനികൾ എന്നിവ സർവീസ് പുനരാരംഭിച്ചിട്ടുണ്ട്. ഘട്ടം ഘട്ടമായാണ് ടെർമിനൽ 1-ൽ നിന്നുള്ള സർവീസുകൾ പുനരാരംഭിക്കുന്നത്.
മുൻ നിശ്ചയിച്ച പ്രവർത്തന ചട്ടക്കൂടിന് അനുസൃതമായി, തടസ്സങ്ങൾ ഇല്ലാതെ ടെർമിനൽ 1-ൽ നിന്നുള്ള പ്രവർത്തനങ്ങൾ സുഗമമായി നടന്നതായി DGCA അറിയിച്ചിട്ടുണ്ട്. വരും ആഴ്ചകളിൽ ടെർമിനൽ 1 വഴി സർവീസ് നടത്തുന്ന വിമാനക്കമ്പനികളുടെയും വിമാനങ്ങളുടെയും എണ്ണം ക്രമേണ വർദ്ധിക്കുമെന്നും, അംഗീകൃത പ്രവർത്തന പദ്ധതികൾക്ക് അനുസൃതമായി ഇത് പൂർണ്ണ ടെർമിനൽ പ്രവർത്തനങ്ങളിലേക്ക് നയിക്കുമെന്നും DGCA കൂട്ടിച്ചേർത്തു.
