ന്യൂദല്‍ഹി: ഇന്ത്യന്‍ ജനാധിപത്യത്തിന്റെ ചരിത്രത്തിലേ ഒരു സുവര്‍ണ അധ്യായമാണ് ‘നാരി ശക്തി വന്ദന്‍ അധീനിയം’. വനിതാ സംവരണ ബില്‍ അഥവാ കഴിഞ്ഞ ദിവസം പാര്‍ലമെന്റില്‍ പാസാക്കിയതിനെ സ്വാഗതം ചെയ്തുകൊണ്ട് സംസാരിക്കുകയായിരുന്നു പ്രതിരോധ മന്ത്രി രാജ്‌നാഥ് സിംഗ്.
രാജ്യസഭയില്‍ വനിതാ സംവരണ ബില്‍ പാസാക്കിയതോടെ ഇന്ത്യന്‍ ജനാധിപത്യത്തിന്റെ ചരിത്രത്തില്‍ ഒരു സുവര്‍ണ്ണ, പുതിയ അധ്യായം ചേര്‍ത്തിരിക്കുന്നു. സ്ത്രീ ശാക്തീകരണത്തിന് പുതിയ ഊര്‍ജവും വളര്‍ച്ചയും നല്‍കുന്ന ഈ ചുവടുവെപ്പിന് പ്രധാനമന്ത്രി നരേന്ദ്രമോദിയെ ഞാന്‍ അഭിനന്ദിക്കുന്നു. അദ്ദേഹത്തിന്റെ ശക്തമായ ഇച്ഛാശക്തി കൊണ്ടാണ് ഈ ബില്‍ പാര്‍ലമെന്റിന്റെ ഇരുസഭകളിലും പാസാക്കിയത്. ഇന്ത്യയിലെ 140 കോടി ജനങ്ങള്‍ക്കും അഭിനന്ദനങ്ങളെന്നും അദേഹം വ്യക്തമാക്കി.
വ്യാഴാഴ്ചയാണ് രാജ്യസഭ ഏകകണ്ഠമായി വനിതാ സംവരണ ബില്‍ പാസാക്കിയത്. 214 അംഗങ്ങള്‍ പിന്തുണച്ചും ആരും എതിര്‍ക്കാതെയും വോട്ട് ചെയ്തു. ലോക്‌സഭയിലും സംസ്ഥാന നിയമസഭകളിലും സ്ത്രീകള്‍ക്ക് 33 ശതമാനം സംവരണം ഉറപ്പാക്കുന്ന ബില്‍ പാസാക്കിയതിനെ തുടര്‍ന്ന് പാര്‍ലമെന്റിന്റെ ഇരുസഭകളും പിരിഞ്ഞു.
അതേസമയം ‘മോദി മോദി’ എന്ന മുദ്രാവാക്യങ്ങളുമായാണ് കരട് നിയമനിര്‍മ്മാണം പാസാക്കിയതിന് പ്രധാനമന്ത്രി നരേന്ദ്ര മോദിക്ക് വനിതാ എംപിമാര്‍ അഭിനന്ദനം അറിയിച്ചത്. പാര്‍ലമെന്റിന്റെ ഇരുസഭകളിലെയും വനിതാ അംഗങ്ങളായ പി ടി ഉഷയും കേന്ദ്രമന്ത്രിമാരായ മീനാകാശി ലേഖിയും സ്മൃതി ഇറാനിയും പാര്‍ലമെന്റില്‍ ബില്ലിന്റെ ചരിത്രപരമായ പാസായതില്‍ പ്രധാനമന്ത്രി മോദിക്ക് പൂച്ചെണ്ട് നല്‍കുകയും ചെയ്തു. ബുധനാഴ്ചയാണ് ബില്‍ ലോക്‌സഭയില്‍ നിയമനിര്‍മ്മാണ പരീക്ഷയ്‌ക്ക് വിധേയമായത്.
പാര്‍ലമെന്റിന്റെ ഉപരിസഭയില്‍ 2023 ലെ ഭരണഘടന (നൂറ്റി ഇരുപത്തിയെട്ടാം ഭേദഗതി) ബില്ലിനെക്കുറിച്ചുള്ള ഒരു ദിവസം നീണ്ടുനിന്ന ചര്‍ച്ചയ്‌ക്ക് നിയമമന്ത്രി അര്‍ജുന്‍ റാം മേഘ്‌വാള്‍ ഒരു ഹ്രസ്വ മറുപടി നല്‍കി, നടപടിക്രമങ്ങള്‍ക്ക് ശേഷം ഇത് നടപ്പിലാക്കുമെന്ന് പറഞ്ഞു. വോട്ടെടുപ്പിന് മുന്നോടിയായി ബില്‍ ഏകകണ്ഠമായി പാസാക്കണമെന്ന് പ്രധാനമന്ത്രി മോദി രാജ്യസഭാംഗങ്ങളോട് അഭ്യര്‍ത്ഥിച്ചു.
ബില്‍ രാജ്യത്തെ ജനങ്ങളില്‍ പുതിയ ആത്മവിശ്വാസം ഉണ്ടാക്കുമെന്നും അദ്ദേഹം പറഞ്ഞു. സ്ത്രീ ശാക്തീകരണം വര്‍ദ്ധിപ്പിക്കുന്നതില്‍ എല്ലാ അംഗങ്ങളും രാഷ്‌ട്രീയ പാര്‍ട്ടികളും ഒരു പ്രധാന പങ്ക് വഹിച്ചിട്ടുണ്ട്. നമുക്ക് രാജ്യത്തിന് ശക്തമായ സന്ദേശം നല്‍കാമെന്നും അദ്ദേഹം പറഞ്ഞു.
