ചെങ്ങന്നൂര്‍: ചെങ്ങന്നൂർ നഗരത്തിൽ ദീർഘനാളുകളായുള്ള ഗതാഗതക്കുരുക്ക് ഒഴിവാക്കുന്നതിനുള്ള ശാശ്വത പരിഹാരമായ ചെങ്ങന്നൂര്‍ ബൈപ്പാസ് യാഥാര്‍ത്ഥ്യമാകുന്നു. കിഫ്ബിയില്‍ നിന്നും 200 കോടി രൂപ വിനിയോഗിച്ചാണ് പദ്ധതി നടപ്പിലാക്കുന്നത്. ഇതിന്റെ പ്രാഥമിക നടപടി കളുടെ ഭാഗമായി ചെങ്ങന്നൂര്‍, പുലിയൂര്‍ വില്ലേജുകളിൽ 9.86 ഹെക്ടര്‍ സ്ഥലം ഏറ്റെടുക്കുന്നതിനുള്ള സർക്കാർ വിജ്ഞാപനമായി.
നഗരസഭയിൽ ശബരിമല വില്ലേജ് റോഡിൽ അങ്ങാടിക്കൽ ഭഗവതി മുതല്‍ ഐടിഐ ജംഗ്ഷനു സമീപം വരെയും,എം സി റോഡില്‍ ചെങ്ങന്നൂര്‍ സെന്‍ട്രല്‍ ഹാച്ചറിക്ക് തെക്കു ഭാഗത്തു നിന്നും നേരെ പടിഞ്ഞാറോട്ട് തോട്ടിയാട് ജംഗ്ഷന്‍-ഓര്‍ക്കോട്ട് ജലധാര ബണ്ട് റോഡ് വഴി ചെറുകോട്ട പാടശേഖരത്തിനു നടുവിലൂടെയും ഓര്‍ക്കോട്ട് ചാലിന് വശത്തുകൂടിയും പേരിശ്ശേരി റെയിൽവേ ലെവൽ ക്രോസിനു സമീപത്തെത്തി മുണ്ടൻകാവിൽ എത്തുകയും, തിരിച്ചും ഗതാഗതം നടപ്പിലാക്കാം എന്നതാണ് നിര്‍ദ്ദേശിച്ചിട്ടുള്ളത്.
നഗരത്തില്‍ കയറാതെ വാഹനങ്ങള്‍ക്ക് എളുപ്പവഴിയില്‍ പോകുകയും ചെയ്യാം എന്നത് യാത്രക്കാര്‍ക്ക് കൂടുതല്‍ സൗകര്യപ്രദമാണ്. സെന്‍ട്രല്‍ ഹാച്ചറി ജംഗ്ഷൻ മുതല്‍ തോട്ടിയാട് ജംഗ്ഷന്‍ വരെ പൊതുമരാമത്ത് റോഡും തോട്ടിയാട് ജംഗ്ഷന്‍-ഓര്‍ക്കോട്ട് ജലധാര ബണ്ട് റോഡ് നിലവില്‍ 6 മീറ്റര്‍ റോഡുമാണ്. പുലിയൂര്‍ പഞ്ചായത്തിലെ തിങ്കളാമുറ്റം വാര്‍ഡിലൂടെയാണ് നിര്‍ദ്ദഷ്ട റോഡ് കടന്നു പോകുന്നത്.
ചെങ്ങന്നൂർ വില്ലേജിൽ
ബ്ലോക്ക് എട്ടിൽ 5, 6, 7, 9, 10, 11, 28, 29 30, 31, 32, 36, 37, 38, 44, , |45, 46, 50, 51, 52, 53, 56, 57, 60, 72, 218, 219, 220, |244, 245, 246, 247, 275, 288, 289, 290, 291, 292, 293, 458 സർവ്വേ നമ്പറുകളും ബ്ലോക്ക് ഏഴിൽ 334, 333, 332, 330, 331, 325 നമ്പറുകളും.
പുലിയൂർ വില്ലേജിൽ
242, 243, 245, 246, 247, 248, 249, 251, 253, 254, 255, 259, 260, 261, 262, 263, 269, 351, 353, 354, 358, 360, 361, 362, 363, 364, 368, 369, 370, 375,376,377,395,396,397,398, 399,401,402 എന്നീ സർവ്വേ നമ്പറുകളിൽ ഉൾപ്പെട്ട ഭൂമിയാണ് ഏറ്റെടുക്കുന്നത്. ശബരിമല വില്ലേജ് റോഡിൽ അങ്ങാടിക്കൽ ഭഗവതി മുതല്‍ ഐടിഐ ജംഗ്ഷനു സമീപം വരെയും സെന്‍ട്രല്‍ ഹാച്ചറി മുതല്‍ മുണ്ടന്‍കാവ് വരേയും റിംഗ് റോഡ് മാതൃകയില്‍ 10.2 കീലോമീറ്ററാണ് ബൈപാസിന്റെ ദൂരം.
കര വസ്തുവിലൂടെ 12 മീറ്റര്‍ വീതിയിലും നെല്‍വയലിലൂടെ 18 മീറ്റര്‍ വീതിയിലുമാണ് റോഡിനായി സ്ഥലം ഏറ്റെടുക്കുന്നത്.
ഇതോടൊപ്പം സാമൂഹ്യാഘാത പഠനവും നടത്തുന്നു. വസ്തുഉടമകള്‍ക്ക് സുതാര്യമായ രീതിയില്‍ നഷ്ടപരിഹാരവും പുനരധിവാസവും ഉറപ്പാക്കുന്നതിനാണ് പഠനം നടത്തുന്നത്. എറണാകുളം, കളമശ്ശേരി രാജഗിരി ഔട്ട്‌റീച്ചിന്റെ നേതൃത്വത്തിലാണ് സാമൂഹ്യാഘാത പഠനം മൂന്ന് മാസത്തിനുള്ളില്‍ പൂര്‍ത്തിയാകും.2018 ൽ എംഎൽഎ ആയിരുന്ന സജി ചെറിയാന്റെ നിവേദനത്തെ തുടർന്നാണ് സംസ്ഥാന സര്‍ക്കാര്‍ കിഫ്ബിയില്‍ ഉള്‍പ്പെടുത്തി 200 കോടി രൂപയാണ് റോഡിന്റെ നിര്‍മാണ ചെലവിന് അനുവദിച്ചത്. സ്ഥലം ഏറ്റെടുക്കുന്നതിന് 65 കോടി രൂപ മുന്‍കൂര്‍ ആയി അനുവദിച്ചിട്ടുണ്ട്. ബൈപാസ് റോഡ് നിര്‍മ്മാണത്തിനുള്ള മറ്റു നടപടികളും അതിവേഗം പൂർത്തീകരിച്ച് നിർമ്മാണം ആരംഭിക്കുമെന്ന് മന്ത്രി സജി ചെറിയാൻ അറിയിച്ചു.
