അമരാവതി: ഇന്ത്യൻ നായകൻ രോഹിത് ശർമയും കുടുംബവും തിരുപ്പതി ക്ഷേത്രദര്‍ശനം നടത്തി. ലോകകപ്പിന് മുന്നോടിയായി വെങ്കിടാചലപതിയുടെ അനുഗ്രഹം തേടിയാണ് ഇന്ത്യന്‍ ക്രിക്കറ്റ് ടീം നായകന്‍ എത്തിയത്.
ഭാര്യ ഋതിക, മകൾ സമൈറ എന്നിവരും കൂടെയുണ്ടായിരുന്നു. രോഹിത് ശര്‍മ്മയ്‌ക്ക് കനത്ത സുരക്ഷ ഏര്‍പ്പാടുചെയ്തിരുന്നു. വിൻഡീസിനെതിരായ ടെസ്റ്റ്, ഏകദിന പരമ്പരകൾ ജയിച്ച് നാട്ടില്‍ എത്തിയ ഉടനെ രോഹിത് തിരുപ്പതി ബാലാജി ക്ഷേത്രത്തിലെത്തുകയായിരുന്നു. ഏഷ്യാ കപ്പിനുള്ള ഒരുക്കം ആരംഭിക്കുന്നതിന് മുൻപായാണ് താരം കുടുംബത്തിനൊപ്പം തിരുപ്പതിയിലെത്തിയത്. നൂറുകണക്കിന് ആരാധകര്‍ രോഹിത് ശര്‍മ്മയെ ഒരു നോക്കുകാണാന്‍ തടിച്ചുകൂടിയിരുന്നു.
ഒക്ടോബർ അഞ്ചിന് ഏകദിന ലോകകപ്പിന് തുടക്കമാകും. മൂന്നാം ഏകദിന ലോകകപ്പ് കിരീടം ലക്ഷ്യമിട്ടാണ് ഇന്ത്യ ഇത്തവണ ഇറങ്ങുന്നത്. പാകിസ്താനും ശ്രീലങ്കയും സംയുക്തമായി ആതിഥേയത്വം വഹിക്കുന്ന ഏഷ്യാ കപ്പിന് ആഗസ്ത് 30ന് തുടങ്ങും
പ്രതികരിക്കാൻ ഇവിടെ എഴുതുക: