ദല്‍ഹി: ഐപിഎല്‍ ക്രിക്കറ്റില്‍ ഇന്ന് രണ്ട് മത്സരങ്ങള്‍. ആദ്യ മത്സരത്തില്‍ ദല്‍ഹി ക്യാപിറ്റല്‍സ് ചെന്നൈ സൂപ്പര്‍ കിംഗ്സിനെയും കൊല്‍ക്കത്ത നൈറ്റ് റൈഡേഴ്സ് ലക്നൗ സൂപ്പര്‍ ജയന്റ്സിനെയും നേരിടും. ആദ്യ മത്സരം ദല്‍ഹിയില്‍ ഉച്ചയക്ക് ശേഷം 3.30ന് തുടങ്ങും. രണ്ടാം മത്സരം കൊല്‍ക്കത്തയില്‍ രാത്രി 7.30നാണ്.
ഇന്നലെ ധര്‍മശാലയിലെ ഹിമാചല്‍ പ്രദേശ് ക്രിക്കറ്റ് അസോസിയേഷന്‍ സ്റ്റേഡിയത്തില്‍ പഞ്ചാബ് കിംഗ്‌സിനെ രാജസ്ഥാന്‍ റോയല്‍സ് 4 വിക്കറ്റിന് പരാജയപ്പെടുത്തി. 188 റണ്‍സ് വിജയലക്ഷ്യം പിന്തുടര്‍ന്ന രാജസ്ഥാന്‍ റോയല്‍സ് 4 വിക്കറ്റും 2 പന്തും ശേഷിക്കെ ലക്ഷ്യം മറികടന്നു. നേരത്തെ, ആദ്യം ബാറ്റ് ചെയ്ത പഞ്ചാബ് കിംഗ്സ് നിശ്ചിത 20 ഓവറില്‍ 5 വിക്കറ്റ് നഷ്ടത്തില്‍ 187 റണ്‍സെടുത്തു.
രാജസ്ഥാനുവേണ്ടി ദേവദത്ത് പടിക്കല്‍ 30 പന്തില്‍ 51 റണ്‍സും പഞ്ചാബിനായി സാം കുറാന്‍ 32 പന്തില്‍ 49 റണ്‍സും നേടി. ഈ വിജയത്തോടെ, ടൂര്‍ണമെന്റില്‍ നോക്കൗട്ട് ഘട്ടത്തിലേക്ക് യോഗ്യത നേടാനുള്ള പ്രതീക്ഷകള്‍ രാജസ്ഥാന്‍ റോയല്‍സ് നിലനിര്‍ത്തി.
