നാച്ചുറൽ സ്റ്റാർ നാനി വന്നത് വെറുതെ പോകാനല്ല. ജനമനസ്സുകൾ കീഴടക്കി ബോക്‌സ് ഓഫീസ് റെക്കോർഡുകൾ തൂത്തുവാരാൻ തയ്യാറായി തന്നെയാണ്. ലോകമെമ്പാടും ദസറ വൻ സ്വീകരണം നേടുകയാണ്. അതിന്റെ ആദ്യ തെളിവുകൾ പുറത്തുവരുകയാണ്.
വെറും മൂന്ന് ദിവസങ്ങൾ കൊണ്ട് 71 കോടി രൂപയാണ് ലോകമെമ്പാടും ബോക്‌സ് ഓഫീസിൽ നിന്ന് ദസറ സ്വന്തമാക്കിയിരിക്കുന്നത്. ഉടൻ തന്നെ 100 കോടി ക്ലബ്ബിലേക്ക് കടക്കാൻ പോകുന്ന ചിത്രം ചരിത്ര റെക്കോർഡ് നേട്ടമാണ് സ്വന്തമാക്കാൻ പോകുന്നത്.
ശനിയാഴ്ച രാത്രി 9 മണിവരെയുള്ള കണക്കുകൾ പ്രകാരം അമേരിക്കയിൽ നിന്ന് മാത്രം 12 കോടിയിലധികം രൂപ ബോക്‌സ് ഓഫീസിൽ നിന്ന് സ്വന്തമാക്കിക്കഴിഞ്ഞു. ഏറ്റവും കൂടുതൽ കളക്ഷൻ കിട്ടിയ നാനി ചിത്രമായി ദസറ അമേരിക്കയിൽൽ മാറി കഴിഞ്ഞു. റിലീസ് ദിവസമായ വെള്ളിയാഴ്ചയെക്കാൾ ശനിയാഴ്ച കൂടുതൽ ആളുകൾ തീയേറ്ററിലേക്ക് എത്തുകയും ചെയ്തു. നോർത്ത് ഇന്ത്യയിലും ചിത്രം വൻ റെക്കോർഡുകൾ സ്വന്തമാക്കി മുന്നേറുകയാണ്.
എസ്എൽവി സിനിമാസിന്റെ ബാനറിൽ സുധാകർ ചെലുകുരിയാണ് ചിത്രം നിർമ്മിച്ചിരിക്കുന്നത്. ദസറയുടെ രചനയും സംവിധാനവും നിർവഹിച്ചിരിക്കുന്നത് ശ്രീകാന്ത് ഒഡേലയാണ്. കീർത്തി സുരേഷ്, ദീക്ഷിത് ഷെട്ടി, സമുദ്രക്കനി, ജാൻസി, സായ് കുമാർ എന്നിവരും ചിത്രത്തിൽ മറ്റ് കഥാപാത്രങ്ങളെ അവതരിപ്പിക്കുന്നു. മാസ് ഇമോഷൻ ചിത്രമായ ദസറ നാനിയുടെ ഏറ്റവും വലിയ ഹിറ്റായി മാറിയിരിക്കുകയാണ്.
