ഇസ്ലാമബാദ്:പ്രവാചകനിന്ദ ആരോപിച്ച് സ്വതന്ത്ര ഓണ്ലൈന് വിജ്ഞാനകോശമായ വിക്കിപീഡിയയെ നിരോധിച്ച് പാകിസ്ഥാന്. വിക്കിപീഡിയയില് അപകീര്ത്തികരമായ ഉള്ളടക്കമുണ്ടെന്ന് പാകിസ്ഥാന് ടെലികമ്മ്യൂണിക്കേഷന് അതോറിറ്റി (പിടിഎ) നേരത്തെ വിക്കിപീഡിയയ്ക്ക് മുന്നറിയിപ്പ് നല്കിയിരുന്നു.
ഇതിനെ തുടര്ന്ന് താക്കീതെന്ന നിലയില് വിക്കിപീഡിയയുടെ സേവനം 48 മണിക്കൂര് തടസ്സപ്പെടുത്തിയിരുന്നു.പിന്നീടാണ് പ്രവാചകനിന്ദ അടങ്ങിയ ഉള്ളടക്കം നീക്കം ചെയ്തില്ലെങ്കില് നിരോധിക്കുമെന്ന മുന്നറിയിപ്പ് നല്കിയത്. എന്നാല് ഇതിന് ശേഷവും ഉള്ളടക്കം പിന്വലിക്കാത്ത സാഹചര്യത്തിലാണ് വിക്കിപീഡിയയെ കരിമ്പട്ടികയില് ഉള്പ്പെടുത്തി നിരോധിച്ചത്.
പാകിസ്ഥാനിലെ പിടിഎ വക്താവ് നിരോധിച്ചകാര്യം സ്ഥിരീകരിച്ചു. വിക്കിപീഡിയയുടെ വാദങ്ങള് അവതരിപ്പിക്കാനും അവസരം നല്കിയിരുന്നു. എന്നാല്, വിവാദ ഉള്ളടക്കം നീക്കം ചെയ്യാനോ സ്വന്തം നിലപാട് അറിയിക്കാന് അധികൃതര്ക്കു മുന്നില് ഹാജരാകാനോ വിക്കിപീഡിയ പ്രതിനിധികള് തയാറാകാത്ത സാഹചര്യത്തിലാണ് നിരോധനമെന്ന് പിടിഎ വക്താവ് വ്യക്തമാക്കി.
