പത്തനംതിട്ട: കോന്നിയില്‍ പോപ്പുലര്‍ ഫ്രണ്ട് ഭീകരരുടെ വീട്ടില്‍ പോലീസ് റെയ്ഡ്. കുമ്മണ്ണൂരിലും മാമാനാലിലുമാണ് റെയ്ഡ് നടക്കുന്നത്. ഹര്‍ത്താല്‍ ദിനത്തിലെ അക്രമക്കേസില്‍ പ്രതികളായ അജ്മല്‍, മുഹമ്മദ് ഷാന്‍, മറ്റൊരു പ്രതി അജ്മല്‍ എന്നിവരുടെ വീട്ടിയാണ് റെയ്ഡ് നടക്കുന്നത്. പരിശോധനയ്‌ക്ക് പിന്നാലെ മുഹമ്മദ് ഷാനെയും അജ്മലിനെയും കസ്റ്റഡിയിലെടുത്തു.
രാവിലെ ഏഴരയോടെയാണ് റെയ്ഡ് ആരംഭിച്ചത്. കോന്നി ഡിവൈഎസ്പി യുടെ നേതൃത്വത്തിൽ കോന്നി, ചിറ്റാര്‍, തണ്ണിത്തോട് സ്‌റ്റേഷനിലെ പോലീസുകാരെത്തിയാണ് പരിശോധന നടത്തുന്നത്. കഴിഞ്ഞയാഴ്ച പോപ്പുലര്‍ ഫ്രണ്ട് ആഹ്വാനം ചെയ്ത ഹര്‍ത്താലിനിടെ കെഎസ്ആര്‍ടിസി ബസുകള്‍ക്കു നേരെ കല്ലെറിഞ്ഞ സംഭവത്തിലുള്‍പ്പെടെ പ്രതികളാണ് ഇവര്‍.
നിരോധിത സംഘടനയുമായി ബന്ധമുള്ള വസ്തുക്കള്‍ ഇവരുടെ കൈവശമുണ്ടോയെന്നു പരിശോധിക്കുമെന്നു പോലീസ് അറിയിച്ചു.
