കൊല്ലം: ലൈബ്രറി അംഗങ്ങളുടെ കൂട്ടായ്മയുടെ നേതൃത്വത്തില് കൊല്ലം പബ്ലിക് ലൈബ്രറിയും പരിസര പ്രദേശങ്ങളും ശുചീകരിച്ചു. സര്ക്കാര് പ്രൈവറ്റ് ജീവനക്കാരുടെയും ലൈബ്രറി അംഗങ്ങളുടെയും കൂട്ടായ്മയായ ജൂബിലന്റിന്റെ നേതൃത്വത്തിലാണിത്. പബ്ലിക് ലൈബ്രറിയുടെ അകവും പരിസരവും കൊറോണയ്ക്ക് ശേഷം വൃത്തിയാക്കിയിരുന്നില്ല.
ലൈബ്രറി ജീവനക്കാര് ആവശ്യപ്പെട്ട പ്രകാരം മുഴുവന് ഗ്രൂപ്പ് അംഗങ്ങളും ജൂബിലന്റ് എന്ന കൂട്ടായ്മയുടെ പേരില് സംഭാവന നല്കുകയും വളരെ ഭംഗിയായി പ്രൊഫഷണല് ടീമിനെ ഉപയോഗിച്ച് തന്നെ ലൈബ്രറിയുടെ അകവും പരിസരവും വൃത്തിയാക്കുകയുമായിരുന്നു. ജൂബിലന്റ് അംഗങ്ങളായ ഫിറോസ്, പ്രവീണ്ശ്യാം, ഗോപന്, വിനോദ്, റിജു, നന്ദു, മനീഷ്, സജീര്, ഗോവിന്ദരാജ്, ജിത്തു, ലിനു തുടങ്ങിയവരും ലൈബ്രറി ജീവനക്കാരായ ജയശ്രീ, ഗോപന്, മില്ട്ടണ്, ഉഷ, ഗീതകുമാരി, സ്മിനു ശങ്കര്, ഷീല,സുധ രമേശ്, ദുരൈരാജ് എന്നിവരും നേതൃത്വം നല്കി.
