കൊച്ചി : ബിജെപി ദേശീയ അധ്യക്ഷന് ജെ.പി നദ്ദ കേരളത്തിലെത്തി. കൊച്ചി വിമാനത്താവളത്തില് എത്തിയ നദ്ദയ്ക്ക് ഊഷ്മളമായ വരവേല്പ്പാണ് ബിജെപി പ്രവര്ത്തകര് ചേര്ന്ന് നല്കിയത്. ബിജെപി സംസ്ഥാന പ്രസിഡന്റ് കെ. സുരേന്ദ്രന് അടക്കമുള്ള നേതാക്കള് ദേശീയ പ്രസിഡന്റിനെ സ്വീകരിക്കാനായി വിമാനത്താവളത്തില് എത്തിയിരുന്നു. കേന്ദ്രമന്ത്രി പ്രകാശ് ജാവദേക്കറും ഒപ്പമുണ്ടായിരുന്നു.
സംസ്ഥാനത്തെ വിവിധ പരിപാടികളില് പങ്കെടുക്കാനാണ് നദ്ദ എത്തുന്നത്. കൊച്ചിയില് എത്തി നദ്ദ ചെങ്ങമനാട് ശ്രീരംഗം ഓഡിറ്റോറിയത്തില് മറ്റ് നേതാക്കള്ക്കൊപ്പം പ്രധാനമന്ത്രിയുടെ മന് കി ബാത്ത് പരിപാടിയില് പങ്കെടുത്തു. തുടര്ന്ന് 62 ബൂത്ത് കമ്മിറ്റി സംഘടിപ്പിക്കുന്ന പണ്ഡിറ്റ് ദീന ദയാല് ഉപാധ്യായ അനുസ്മരണ പരിപാടിയിലും ജെ.പി നദ്ദ പങ്കെടുക്കും. വൈകിട്ട് നാല് മണിക്ക് കോട്ടയത്തെ ശ്രീനാരായണ ഗുരു പില്ഗ്രിമേജ് സെന്റര് സന്ദര്ശിക്കും. അതിന് ശേഷം ബി.ജെ.പി കോട്ടയം ജില്ലാ ഓഫീസ് ഉദ്ഘാടന ചടങ്ങിലും ജെ.പി നദ്ദ സംബന്ധിക്കും.
