പത്തനംതിട്ട: കര്ക്കടക മാസപൂജകള്ക്കായി ശബരിമല ശ്രീധര്മ്മശാസ്താക്ഷേത്ര നട 16ന് വൈകിട്ട് അഞ്ചിന് തുറക്കും. തന്ത്രി കണ്ഠര് മഹേഷ് മോഹനരുടെ സാന്നിധ്യത്തില് മേല്ശാന്തി എന്. പരമേശ്വരന് നമ്പൂതിരി നട തുറന്ന് ദീപങ്ങള് തെളിക്കും. പതിനെട്ടാംപടിക്ക് മുന്നിലായുള്ള ആഴിയില് മേല്ശാന്തി അഗ്നിപകര്ന്ന ശേഷം പതിനെട്ടാം പടികയറിയുള്ള ദര്ശനത്തിന് അനുമതി നല്കും.
വെര്ച്വല് ക്യൂ സംവിധാനത്തിലൂടെ ബുക്ക് ചെയ്ത് ദര്ശനത്തിനം നടത്താം. നിലയ്ക്കലില് എത്തിച്ചേരുന്നവര്ക്ക് സ്പോട്ട് ബുക്കിങ് സംവിധാനവും ഒരുക്കിയിട്ടുണ്ട്. വെര്ച്വല് ക്യൂ ബുക്കിങ് ഇന്ന് രാവിലെ 10 മുതല് ആരംഭിക്കും. കര്ക്കടകം ഒന്നായ 17ന് പുലര്ച്ചെ അഞ്ചിന് നട തുറക്കും. ശേഷം പതിവ് അഭിഷേകവും നെയ്യഭിഷേകവും മറ്റ്പൂജകളും നടക്കും. ഉദയാസ്തമയപൂജ, അഷ്ടാഭിഷേകം, കലശാഭിഷേകം, കളഭാഭിഷേകം, പടിപൂജ, പുഷ്പാഭിഷേകം എന്നിവ നട തുറന്നിരിക്കുന്ന അഞ്ച് ദിവസങ്ങളിലും ഉണ്ടായിരിക്കും. 21ന് രാത്രി 10 മണിക്ക് ഹരിവരാസനം ചൊല്ലി നട അടയ്ക്കും.
