തൃശ്ശൂര്: കൂര്ക്കഞ്ചേരിയില് മഹാദേവ ക്ഷേത്രത്തിലെ തൈപ്പൂയ ആഘോഷ എഴുന്നള്ളിപ്പിനിടയില് ആനയിടഞ്ഞു. ഊട്ടോളി അനന്തന് ആണ് ഇടഞ്ഞത്. കണിമംഗലത്ത് നിന്നുമുള്ള പൂരത്തിന് എഴുന്നെള്ളിച്ചതായിരുന്നു. ആനപ്പുറത്ത് നാല് പേരുണ്ടായിരുന്നതില് രണ്ട് പേര് താഴേക്ക് ചാടി രക്ഷപ്പെട്ടു.
പഞ്ചവാദ്യം കൊട്ടിക്കലാശത്തിലേക്ക് എത്തിയ നേരത്തായിരുന്നു പെട്ടെന്ന് ആന പിന്വശത്തേക്ക് തിരിഞ്ഞ് പ്രകോപിതനായത്. ഇതിനിടയില് ആളുകള് ചിതറി ഓടി. അര മണിക്കൂര് നേരത്തെ പരിശ്രമത്തിനൊടുവിലാണ് ആനയെ തളച്ചത്. ആനപ്പുറത്തുണ്ടായിരുന്ന രണ്ട് പാപ്പാന്മാരെ താഴെയിക്കി. കോവിഡ് നിയന്ത്രണങ്ങളുള്ളതിനാല് വലിയ ആള്ക്കൂട്ടമില്ലാതിരുന്നത് പോലീസിന് നിയന്ത്രിക്കാന് സൗകര്യമായി.
