ന്യൂദല്ഹി: കര്ഷകസമരത്തിന്റെ ഭാഗമായി ലഖിംപൂര് ഖേരിയില് മൂന്ന് ബിജെപിക്കാരെ അടിച്ചുകൊന്ന കേസില് രണ്ട് കര്ഷകരെ പ്രത്യേക അന്വേഷണസംഘം അറസ്റ്റ് ചെയ്തു. ഒക്ടോബര് 3നാണ് ലഖിംപൂര് ഖേരി സംഭവമുണ്ടായത്. കമല്ജീത് സിങ് (29), കവല്ജിത് സിങ് സോനു (35) എന്നിവരെയാണ് പ്രത്യേക അന്വേഷണസംഘം അറസ്റ്റ് ചെയ്തത്.
ബിജെപി പ്രവര്ത്തകരുടെ കൊലയുമായി ബന്ധപ്പെട്ട് ഏതാനും കുറ്റവാളികളുടെ ചിത്രങ്ങള് പ്രത്യേകാന്വേഷണസംഘം പുറത്തുവിട്ടിരുന്നു. അതില് അറസ്റ്റിലായ രണ്ടുപേരുടെ ഫോട്ടോകളും ഉണ്ടായിരുന്നു. ഇവര് കഴിഞ്ഞ രണ്ട് മാസമായി ഒളിവിലായിരുന്നു.
ഇതുവരെ മൂന്ന് ബിജെപി പ്രവര്ത്തകരുടെ മരണവുമായി ബന്ധപ്പെട്ട് ആറ് കര്ഷകര് അറസ്റ്റ് ചെയ്യപ്പെട്ടിട്ടുണ്ട്.
