തിരുവനന്തപുരം : കണ്ണൂര് യൂണിവേഴ്സിറ്റി വൈസ്ചാന്സിലര് നിയമനത്തില് ഗവര്ണര്ക്ക് ശുപാര്ശ നല്കാന് മന്ത്രിക്ക് അധികാരമില്ലെന്ന് സംസ്ഥാന ഉന്നത വിദ്യാഭ്യാസ മന്ത്രി ആര്. ബിന്ദുവിനെതിരെ സിപിഐ സംസ്ഥാന സെക്രട്ടറി കാനം രാജേന്ദ്രന്. കണ്ണൂര് വിസി ഗോപിനാഥ് രവീന്ദ്രനെ പുനര് നിയമിച്ചതില് വിവാദമായതിനിടെയാണ് കാനം മന്ത്രിയെ തള്ളി രംഗത്ത് എത്തിയിരിക്കുന്നത്.
അതേസമയം സിപിഐയില് നിന്ന് പോയവരാണ് സിപിഎമ്മിലുള്ളവര്. സിപിഎമ്മില് നിന്നടക്കം കൂടുതല് പേര് സിപിഐയിലേക്ക് വരുമെന്നും കാനം അറിയിച്ചു. എന്നാല് എസ്. രാജേന്ദ്രന് സിപിഐയിലേക്ക് എത്തുമോ എന്ന ചോദ്യത്തിന് ചില കാര്യങ്ങള് സസ്പെന്സ് ആയി നില്ക്കട്ടെയെന്നും കാനം മാധ്യമ പ്രവര്ത്തകരോട് വ്യക്തമാക്കി.
