പാലക്കാട്: ബിജെപിയുടെ നേതൃസ്ഥാനങ്ങളിലേക്ക് കൂടുതല് വനിതകളെ കൊണ്ടുവന്ന് സ്ത്രീശാക്തീകരണം പ്രവര്ത്തനപഥത്തിലെത്തിച്ച് ബിജെപിയുടെ വേറിട്ട നീക്കം. നിയോജകമണ്ഡലം പുനക്രമീകരി്ച്ചപ്പോള് 19 മണ്ഡലം പ്രസിഡന്റ് സ്ഥാനങ്ങള് വനിതകള്ക്ക് നല്കിയാണ് ബിജെപി ‘നാരീശക്തി’യുടെ ദൃഷ്ടാന്തമായി മാറിയത്.
ആകെയുള്ള 280 മണ്ഡലം പ്രസിഡന്റുമാരില് 19 വനിതാനേതാക്കളാണ് ചുക്കാന് പിടിക്കാന് എത്തുന്നത്. ബിജെപിയുടെ സംഘടനാതലങ്ങളില് കൂടുതല് വനിതകളെത്തുമെന്ന സൂചനയാണ് ഇതിലൂടെ പുറത്തുവരുന്നത്. നേരത്തെ വനിതകള് ഇല്ലാതിരുന്ന സ്ഥാനത്ത് നിന്നാണ് ഇപ്പോള് നിയമകമണ്ഡലത്തിന്റെ തലപ്പത്തേക്ക് 19 വനിതകള് എത്തുന്നത്. മണ്ഡലം കമ്മിറ്റി ഭാരവാഹികളില് അ്ഞ്ച് പേരും കമ്മിറ്റിയിലെ 45ല് 15 പേരും വനിതകളായിരിക്കും.
ഈ മാസം പുനസംഘടിപ്പിക്കപ്പെടുന്ന മഹിളാമോര്ച്ച, യുവമോര്ച്ച, കര്ഷകമോര്ച്ച, പട്ടികവിഭാഗം മോര്ച്ച എന്നീ സംഘടനകളിലും കൂടുതല് വനിതാഭാരവാഹികള് വരും.
