ലണ്ടന്‍: നോബേല്‍ പുരസ്‌ക്കാര ജേതാവ് മലാല യൂസഫ്‌സായി വിവാഹിതയായി. പാക്കിസ്ഥാന്‍ ക്രിക്കറ്റ് ബോര്‍ഡിന്റെ ഹൈ പെര്‍ഫോമന്‍സ് സെന്റര്‍ മാനേജര്‍ അസര്‍ മാലിക്കാണ് വരന്‍. ബര്‍മിങ്‌ഹാമിലെ വസതിയില്‍ ലളിതമായ ചടങ്ങിലായിരുന്നു വിവാഹം.
ചടങ്ങില്‍ കുടുംബാംഗങ്ങള്‍ മാത്രമാണ് പങ്കെടുത്തത്. വിവാഹ വാര്‍ത്ത മലാല തന്നെയാണ് ട്വീറ്റര്‍ വഴി ലോകത്തെ അറിയിച്ചത്. ‘ഇന്ന് ഒരു വിശേഷപ്പെട്ട ദിനമാണ്, ഞാനും, അസ്സറും ഒന്നായി. ഈ യാത്ര മുന്നോട്ട് പോകാന്‍ എല്ലാവരും പ്രാര്‍ത്ഥിക്കണം’ – മലാല ട്വീറ്ററില്‍ കുറിച്ചു.
പതിനഞ്ചാം വയസില്‍, പെണ്‍കുട്ടികളുടെ വിദ്യഭ്യാസത്തിനായി നിലകൊണ്ടതിന് പാക്ക് താലിബാന്‍ ഭീകരരുടെ വെടിയേറ്റതോടെയാണ് മലാല ലോക ശ്രദ്ധ നേടിയത്.2014ല്‍ സമാധാനത്തിനുളള നോബേല്‍ സമ്മാനത്തിന് അര്‍ഹയായി.
