കൊച്ചി : പൂര്ണ്ണത്രയീശന്റെ മണ്ണില് ആവേശമായി കേന്ദ്ര ആഭ്യന്തര മന്ത്രി അമിത് ഷാ. നിയമസഭാ തെരഞ്ഞെടുപ്പ് തൃപ്പൂണിത്തുറ മണ്ഡലത്തിലെ സ്ഥാനാര്ത്ഥി കെ.എസ്. രാധാകൃഷ്ണന്റെ തെരഞ്ഞെടുപ്പ് പ്രചാരണത്തിനായാണ് അമിത് ഷാ എത്തിയത്.
ആയിരങ്ങളാണ് അമിത് ഷായുടെ റോഡ്ഷോയില് പങ്കെടുത്തത്. കിഴക്കേകോട്ട സ്റ്റാച്ച്യൂ ജങ്ഷനില് നിന്നും പൂര്ണ്ണത്രയീശ ക്ഷേത്രത്തിന് സമീപം വരെ സ്ഥാനാര്ത്ഥി കെ.എസ്. രാധാകൃഷ്ണനൊപ്പം റോഡ്ഷോയിലും കേന്ദ്രമന്ത്രി പങ്കെടുത്തു.
തെയ്യം, വനിതകളുടെ ശിങ്കാരിമേളം, കാവടി, പഞ്ചവാദ്യം, കാവടി, തുടങ്ങി വിവിധ വാദ്യഘോഷവും, പുഷ്പവൃഷ്ടിയുമായാണ് പുര്ണ്ണവേദ പുരി അമിത് ഷായ്തക്ക് സ്വാഗതം അരുളിയത്. അമിത് ഷായുടെ സന്ദര്ശനത്തോടനുബന്ധിച്ച് ദ്രുത കര്മ്മ സേനയും സംസ്ഥാന പോലീസും പ്രദേശത്ത് കര്ശ്ശന സുരക്ഷയാണ് ഏര്പ്പെടുത്തിയിരിക്കുന്നത്.
റോഡ്ഷോയ്ക്ക് ശേഷം കാഞ്ഞിരപ്പള്ളിയിലേക്ക് തിരിക്കുന്ന അമിത് ഷാ പൊന്കുന്നം ശ്രേയസ് പബ്ലിക് സ്കൂള് മൈതാനത്ത് പൊതുസമ്മേളനത്തെ അഭിസംബോധന ചെയ്യും. തുടര്ന്ന് കാഞ്ഞിരപ്പള്ളിയില് നിന്ന് ഹെലികോപ്റ്ററില് ചാത്തന്നൂരിലെത്തുന്ന അദ്ദേഹം പുറ്റിങ്ങല് ദേവീക്ഷേത്ര മൈതാനത്ത് പൊതുസമ്മേളനത്തില് സംസാരിക്കും. മലമ്പുഴ മണ്ഡലത്തിലെ കഞ്ചിക്കോടാണ് അടുത്ത പരിപാടി.
