കൊച്ചി: കൊവിഡ് പ്രതിരോധ വാക്സിന് ഇന്ത്യയുടെ നേട്ടമാണെന്നും നരേന്ദ്ര മോദിയുടെ വാക്സിന് എന്നു പറഞ്ഞ് അതിനോട് അലര്ജി കാണിക്കേണ്ടെന്നും ബിജെപി ദേശീയ ജനറല് സെക്രട്ടറി ദുഷ്യന്ത് കുമാര് ഗൗതം. വാര്ത്താസമ്മേളനത്തില് സംസാരിക്കുകയായിരുന്നു അദ്ദേഹം.
കൊവിഡ് രോഗത്തിനെതിരേ ലോക രാജ്യങ്ങള് അമ്പരന്നു നിന്നപ്പോള് ഇന്ത്യ അതിനെതിരേ വാക്സിന് നിര്മിച്ചു. നമ്മുടെ രാജ്യത്തെ ശാസ്ത്രജ്ഞന്മാരും സാങ്കേതിക സംവിധാനവും സര്ക്കാരിന്റെ നിശ്ചയ ദാര്ഢ്യവുമാണ് അതിന് കാരണം.
പാക്കിസ്ഥാനുള്പ്പെടെ നാല്പതിധികം രാജ്യങ്ങള്ക്ക് ഇന്ത്യ വാക്സിന് നല്കുന്നു. പക്ഷേ, ചില സംസ്ഥാനങ്ങള് വാക്സിനോട് രാഷ്ട്രീയ അലര്ജി കാണിക്കുന്നു. പഞ്ചാബിലേയും കേരളത്തിലേയും ഡോക്ടര്മാരും ശാസ്ത്രജ്ഞന്മാരും ഈ കണ്ടെത്തലില് പങ്കാളികളാണ്, അദ്ദേഹം പറഞ്ഞു.
