കൊച്ചി: ന്യുമോണിയ ബാധയെ തുടര്ന്ന് ബിജെപി രാജ്യസഭാ എംപിയും നടനുമായ സുരേഷ്ഗോപി ആശുപത്രിയില്. എറണാകുളത്ത് സ്വകാര്യ ആശുപത്രിയില് കഴിഞ്ഞ നാല് ദിവസമായി അദ്ദേഹം ചികിത്സയില് തുടരുകയാണ്.
ജോഷി സംവിധാനം ചെയ്യുന്ന ചിത്രമായ പാപ്പന്റെ ലൊക്കേഷനില് നിന്ന് സുരേഷ് ഗോപിയെ നേരിട്ട് ആശുപത്രിയില് പ്രവേശിപ്പിക്കുകയായിരുന്നു. ന്യുമോണിയ ബാധ കുറഞ്ഞുവരുന്നതായി അദ്ദേഹത്തോട് അടുത്ത വൃത്തങ്ങള് വ്യക്താക്കി.
നിലവില് അദ്ദേഹത്തിന്റെ ആരോഗ്യനില തൃപ്തികരമാണ്. പത്ത് ദിവസത്തെ വിശ്രമമാണ് സുരേഷ് ഗോപിക്ക് ഡോക്ടര്മാര് നിര്ദേശിച്ചിരിക്കുന്നത്.
