നരേന്ദ്ര മോദിയുടെ പ്രവര്‍ത്തന മികവാണ് തന്നെ രാഷ്‌ട്രീയത്തിലേക്കും പിന്നീട് ഭാരതീയ ജനത പാര്‍ട്ടിയുടെ അംഗമാകാനും പ്രേരിപ്പിച്ചതെന്ന് സംവിധായകന്‍ രാജസേനന്‍. ഇടത് പക്ഷപ്രവര്‍ത്തകനല്ലെങ്കിലും അടിസ്ഥാനപരമായി ഇടത് ആശയങ്ങളോട് താത്പര്യമുണ്ടായിരുന്നു. വ്യക്തിപരമായ ആവശ്യത്തിനു ഗുജറാത്തില്‍ പോയപ്പോഴാണ് നരേന്ദ്ര മോദിയുടെ പ്രവര്‍ത്തനമികവിനെ കുറിച്ച് തനിക്ക് വ്യക്തമായതെന്നും രാജസേനന്‍ ജന്മഭൂമിക്ക് നല്‍കിയ അഭിമുഖത്തില്‍ പറഞ്ഞു.
സ്ത്രീ സുരക്ഷ, നിരാലംബരുടെ ഉന്നമനം, ഉയര്‍ന്ന ജോലി സാധ്യതകളുള്‍പ്പെടെ പ്രധാനമന്ത്രി നടപ്പിലാക്കുന്ന ഒരോ പദ്ധതിയും മാതൃകപരമാണ്. നരേന്ദ്ര മോദിക്കപ്പുറം ബിജെപി എന്ന പാര്‍ട്ടിയുടെ ദേശീയ തലത്തിലുള്ള പ്രവര്‍ത്തനങ്ങളും തന്റെ രാഷ്‌ട്രീയ ജീവിതത്തെ സ്വാധീനിച്ചു.
ദേശീയത പറയുമ്പോള്‍ അത് വര്‍ഗീയതയാക്കി പ്രചരിപ്പിക്കുന്ന ഒരു സമൂഹത്തില്‍ രാഷ്‌ട്രബോധത്തില്‍ ഊന്നി നിന്ന് പ്രവര്‍ത്തിക്കുന്ന രീതിയാണ് ബിജെപിക്കുള്ളത്. ബിജെപിയുടെ സംസ്ഥാന സമിതി അംഗമാകാനും കഴിഞ്ഞ നിയമസഭ തെരഞ്ഞെടുപ്പില്‍ മത്സരിക്കാനും സാധിച്ചതില്‍ സന്തോഷമുണ്ട്. സംസ്ഥാനത്ത് എന്നല്ല ലോകത്തില്‍ തന്നെ കമ്യൂണിസം അവസാനിക്കുന്ന അവസ്ഥയിലാണെന്നും രാജസേനന്‍ വ്യക്തമാക്കി.
