സൈജു കുറുപ്പ്, സിജോയ് വര്ഗ്ഗീസ്, മിയ ജോര്ജ്ജ്, നയന എല്സ എന്നിവരെ പ്രധാന കഥാപാത്രങ്ങളാക്കി പ്രൊഫസ്സര് സതീഷ് പോള് തിരക്കഥയെഴുതി സംവിധാനം ചെയ്യുന്ന ചിത്രമായ ഗാര്ഡിയന് ജനുവരി ഒന്നിന് ഓണ് ലൈന് ഫഌറ്റ്ഫോമായ പ്രൈംറീല്സിലൂടെ പ്രദര്ശനത്തിനെത്തി.
ഷിയാസ് കരീം, അജയ് ഷിബു, അനന്തു അനില്, കിഷോര് മാത്യു, ഷിംന കുമാര് തുടങ്ങിയവരാണ് മറ്റു പ്രമുഖ താരങ്ങള്.
ഫിംഗര് പ്രിന്റ്, കാറ്റ് വിതച്ചവര് എന്നീ ചിത്രങ്ങള്ക്കുശേഷം സതീഷ് പോള് സംവിധാനം ചെയുന്ന ഇന്വെസ്റ്റിഗേഷന് ത്രില്ലര് സിനിമയാണ് ഗാര്ഡിയന്.
ഒരാളെ കാണാതാകുന്നതിനെ തുടര്ന്ന് ഉണ്ടാകുന്ന ഒരു അന്വേഷണവും അതിനോടനുബന്ധിച്ചുണ്ടാകുന്ന സംഭവവികാസങ്ങളുമാണ് ചിത്രത്തില് പ്രതിപാദിക്കുന്നത്.
സൈജു കുറുപ്പ്, സിജോയ് വര്ഗ്ഗീസ് എന്നിവരാണ് നായകന്മാര്. മിയ ജോര്ജ്ജും നയന എല്സയുമാണ് നായികമാരായി അഭിനയിക്കുന്നത്. ഐ പിഎസ് മീര മോഹന്ദാസായി മിയ ആദ്യമായിട്ടാണ് പോലീസ് പോലീസ് വേഷം ചെയ്യുന്നത്.
ബ്ലാക്ക് മരിയ പ്രൊഡക്ഷന്സിന്റെ ബാനറില് ജോബിന് ജോര്ജ്ജ് കണ്ണാത്തുക്കുഴി, അഡ്വക്കേറ്റ് ഷിബു കുര്യാക്കോസ് പാറയ്ക്കല് എന്നിവര് ചേര്ന്നു നിര്മിക്കുന്ന ഈ ചിത്രത്തിന്റെ ഛായാഗ്രഹണം ജോബി ജോര്ജ്ജ് നിര്വ്വഹിക്കുന്നു.
