കൊല്‍ക്കത്ത: കടുത്ത നെഞ്ചു വേദനയെ തുടര്‍ന്ന് ഇന്ത്യന്‍ ക്രിക്കറ്റ് ടീം മുന്‍ ക്യാപ്റ്റനും ബിസിസിഐ അധ്യക്ഷനുമായ സൗരവ് ഗാംഗുലിയെ ആശുപ്രതിയില്‍ പ്രവേശിപ്പിച്ചു. ഗാംഗുലിക്ക് ഹൃദയാഘാതമുണ്ടായതായി ദേശീയ മാധ്യമങ്ങള്‍ റിപ്പോര്‍ട്ട് ചെയ്തു. സൗരവ് ഗാംഗുലിയെ കൊല്‍ക്കത്തയിലെ വുഡ്‌ലാന്റ്‌സ് മള്‍ട്ടി സ്‌പെഷ്യാലിറ്റി ആശുപത്രിയില്‍ പ്രവേശിപ്പിച്ചത്. രാവിലെ വ്യായാമം ചെയ്യുന്നതിനിടെയാണ് നെഞ്ചുവേദന അനുഭവപ്പെട്ടത്.
ഹൃദയത്തില്‍ ബ്ലോക്കുകള്‍ കണ്ടെത്തിയതിനാല്‍ ഗാംഗുലിയെ ആന്‍ജിയോപ്ലാസ്റ്റിക്ക് വിധേയനാക്കി. അതേസമയം, ഗാംഗുലിയുടെ ആരോഗ്യനില തൃപ്തികരമാണെന്നും ഇന്ന് ഡിസ്ചാര്‍ജ് ചെയ്യുമെന്നും റിപ്പോര്‍ട്ടുണ്ട്.
