കൊച്ചി : പോലീസ് ഉദ്യോഗസ്ഥരുടെ നിര്ദ്ദേശ പ്രകാരമാണ് താന് ഫോണില് സംസാരിച്ചതെന്ന് സ്വര്ണക്കടത്ത് കേസ് പ്രതി സ്വപ്ന സുരേഷ്. സ്വപനയുടെ വിവാദ ശബ്ദരേഖ സംബന്ധിച്ച് കസ്റ്റംസിനും എന്ഫോഴ്സ്മെന്റിനും നല്കിയ മൊഴിയിലാണ് ഇക്കാര്യം വെളിപ്പെടുത്തിയത്.
ഉദ്യോഗസ്ഥനോട് ഫോണിലൂടെ സംസാരിച്ചതാണ് ഇത്. ഒപ്പമുണ്ടായിരുന്ന വനിത പോലീസുകാരി പറഞ്ഞ കാര്യങ്ങളാണ് താന് സംസാരിച്ചത്. നിര്ബന്ധിച്ച് പറയിച്ചതാണെന്നും സ്വപ്നയുടെ മൊഴിയില് പറയുന്നുണ്ട്.
അതേസമം സ്വപ്നയ്ക്ക് ജയിലില് പ്രത്യേക സുരക്ഷ ഒരുക്കണമെന്ന ഉത്തരവിനെതിരെ ജയില്വകുപ്പ് ഹൈക്കോടതിയെ സമീപിച്ചു. സ്വപ്ന സുരേഷിന് ജയിലില് മതിയായ സുരക്ഷ ഒരുക്കിയിട്ടുണ്ട്. ജയില് വകുപ്പിന്റെ ഭാഗം കേള്ക്കാതെയാണ് എറണാകുളം എസിജെഎം കോടതി ഉത്തരവിറക്കിയത്. ജയില് വകുപ്പിന്റെ വിശ്വാസ്യതയെ ബാധിക്കുന്നതാണ് ഉത്തരവെന്നും ജയില് വകുപ്പ് നല്കിയ ഹര്ജിയില് പരാമര്ശിക്കുന്നുണ്ട്.
