റായ്പൂര് : ഛത്തീസ്ഗഡില് മാവോയിസ്റ്റ് ആക്രമണത്തില് ഒരു ജവാന് വീരമൃത്യു. പത്ത് പേര്ക്ക് പരിക്ക്. ശനിയാഴ്ച അര്ധരാത്രിയോടെ സുക്മ താഡ്മെഡ്ല ഗ്രാമത്തിലാണ് സംഭവം.
സിആര്പിഎഫ് കോബ്ര 206 ബറ്റാലിയന് തെരച്ചില് നടത്തുന്നതിനിടെയാണ് മാവോയിസ്റ്റ് സംഘം ഇവര്ക്കുനേരെ ഭീകരര് ഐഇഡി സ്ഫോടനം നടത്തുകയായിരുന്നു. സിആര്പിഎഫ് അസിസ്റ്റന്റ് കമാന്ഡോ നിതിന് ബലേറാവുവാണ് സ്ഫോടനത്തില് വീരമൃത്യു വരിച്ചത്.
ഗുരുതരമായി പരിക്കേറ്റ നിതിന് ബലേറാവുവിനെ ആശുപത്രിയില് എത്തിച്ചെങ്കിലും ജീവന് രക്ഷിക്കാനായില്ല. പരിക്കേറ്റവരെ എയര് ലിഫ്റ്റ് ചെയ്താണ് ആശുപത്രിയിലേയ്ക്ക് മാറ്റിയത്. പ്രദേശത്ത് സുരക്ഷാ സൈന്യം തെരച്ചില് നടത്തി വരികയാണ്.
