ചെന്നൈ: നടിയും കോണ്ഗ്രസ് ദേശീയ വക്താവുമായ ഖുശ്ബു സുന്ദര് ബിജെപിയിലേക്ക്. നാളെ ഉച്ചയ്ക്ക് 12ന് ദല്ഹിയില് ബിജെപി കേന്ദ്ര കമ്മിറ്റി ഓഫീസില് നിന്നും ഖുശ്ബു പാര്ട്ടിയുടെ പ്രാഥമിക അംഗത്വം സ്വീകരിക്കും. കഴിഞ്ഞ ലോക്സഭ തെരഞ്ഞെടുപ്പില് മത്സരിക്കാന് സീറ്റിന് ശ്രമിച്ചെങ്കിലും ലഭിച്ചിരുന്നില്ല.
ഡിഎംകെ നേതാവ് എംകെ സ്റ്റാലിനുമായുള്ള അഭിപ്രായ വ്യത്യാസത്തെത്തുടര്ന്ന് പാര്ട്ടി വിട്ട ഖുശ്ബു 2014 ലാണ് കോണ്ഗ്രസില് ചേര്ന്നത്. തുടര്ന്ന് പുനഃസംഘടനയില് കോണ്ഗ്രസ് ദേശീയ വ്യക്താവായി ഖുശ്ബുവിനെ നിയമിച്ചിരുന്നു.
തമിഴ്നാട് തെരഞ്ഞെടുപ്പില് ഖുശ്ബു ബിജെപിയുടെ താര പ്രചാരകയായിരിക്കും. മോദി സര്ക്കാരിന്റെ ദേശീയ വിദ്യാഭ്യാസ നയത്തെ പിന്തുണച്ച് ഖുശ്ബു രംഗത്തെത്തിയിരുന്നു. നേരത്തെ കോണ്ഗ്രസ് ദേശീത വ്യക്തവായ ടോം വടക്കനും ബിജെപിയില് ചേര്ന്നിരുന്നു.
