കോഴിക്കോട്: അപകടത്തില് പരിക്കേറ്റ യുവതികള്ക്ക് കൈതാങ്ങായി മഹിളാമോര്ച്ച പ്രവര്ത്തകര്. നല്ലൂര് അത്തംവളവിന് സമീപം ബൈക്ക് ഇടിച്ച് പരിക്കേറ്റ സ്കൂട്ടര് യാത്രക്കാരായ യുവതികള്ക്കാണ് ബിജെപി ബേപ്പൂര് മണ്ഡലം വൈസ് പ്രസിഡന്റ് പി. രത്നവല്ലിയും മഹിളാ മോര്ച്ച ബേപ്പൂര് മണ്ഡലം ജനറല് സെക്രട്ടറി പി. മിനിയും സഹായവുമായെത്തിയത്.
സ്കൂട്ടര് ഇടിച്ചിട്ട് നിര്ത്താതെപോയ ബൈക്ക് യാത്രക്കാരനെ മഹിളാമോര്ച്ച പ്രവര്ത്തകര് ഓട്ടോറിക്ഷയില് പിന്തുടര്ന്ന് പിടികൂടുകയും യുവതികളെ ആശുപത്രിയില് എത്തിച്ച് ചികിത്സ നല്കുകയും ചെയ്തു. തിങ്കളാഴ്ച രാവിലെ ഒന്പതേ മുപ്പതോടെയാണ് സംഭവം. സ്കൂട്ടര് ഇടിച്ചിട്ട ബൈക്ക് യാത്രക്കാരന് പോകുന്നതും റോഡില് യുവതികള് വീണു കിടക്കുന്നതുമാണ് ഇരുവരും കണ്ടത്.
യുവതികള്ക്ക് കൈയ്ക്കും കാലിനുമാണ് പരിക്കേറ്റത്. ഇവരെ കല്ലംപാറയിലെ സ്വകാര്യ ആശുപത്രിയില് എത്തിച്ച് ആവശ്യമായ ചികിത്സ നല്കി ബന്ധുക്കളെ അറിയിച്ചാണ് ഇരുവരും ആശുപത്രിയില് നിന്ന് മടങ്ങിയത്. മണ്ണൂര് പ്രബോധിനി സ്വദേശികളാണ് പരിക്കേറ്റ യുവതികള്. കോഴിക്കോട്ട് മഹിളാ മോര്ച്ച സംഘടിപ്പിച്ച പ്രതിഷേധത്തില് പങ്കെടുക്കാനുള്ള യാത്രയിലായിരുന്നു രത്നവല്ലിയും മിനിയും.
