തിരുവനന്തപുരം: വൈദ്യുതി നിരക്ക് വർധനവടക്കം ജനദ്രോഹ നടപടികളുമായി മുന്നോട്ടു പോകുന്ന പിണറായി സർക്കാരിനെതിരെ ബിജെപി വിവിധ മണ്ഡലങ്ങളിൽ പ്രതിഷേധ ധർണകൾ സംഘടിപ്പിച്ചു.
നെയ്യാറ്റിൻകര നിയോജക മണ്ഡലം കമ്മറ്റിയുടെ നേതൃത്വത്തിൽ നടന്ന ധർണ ബിജെപി സംസ്ഥാന സെക്രട്ടറി കരമന ജയൻ ഉദ്ഘാടനം ചെയ്തു. കേന്ദ്രസർക്കാരിന്റെ പദ്ധതികൾ അട്ടിമറിക്കുന്ന പിണറായി സർക്കാർ വൈദ്യുതി ബില്ലിന്റെ പേരിൽ ജനങ്ങളെ കൊള്ളയടിക്കുകയാണെന്ന് കരമന ജയൻ പറഞ്ഞു. മണ്ഡലം പ്രസിഡന്റ് ആർ. രാജേഷ് അധ്യക്ഷത വഹിച്ചു. മണ്ഡലം ജനറൽ സെക്രട്ടറിമാരായ ഷിബുരാജ് കൃഷ്ണ, ആരംഗമുകൾ സന്തോഷ്, സംസ്ഥാന സമതിയംഗം ഡോ. അതിയന്നൂർ ശ്രീകുമാർ, എൻ.പി. ഹരി, കൂട്ടപ്പന മഹേഷ്, ആലംപൊറ്റ ശ്രീകുമാർ, നടരാജൻ തുടങ്ങിയവർ പങ്കെടുത്തു.
പാറശ്ശാല നിയോജകമണ്ഡലം കമ്മറ്റിയുടെ നേതൃത്വത്തിൽ സംഘടിപ്പിച്ച പ്രതിഷേധ ധർണ ബിജെപി ജില്ലാ വൈസ് പ്രസിഡന്റ് ബിജു പി. നായർ ഉദ്ഘാടനം ചെയ്തു. മണ്ഡലം പ്രസിഡന്റ് ഇഞ്ചിവിള അനിൽ അധ്യക്ഷത വഹിച്ചു. ബിജെപി ഭാരവാഹികളായ മഞ്ചവിളാകം പ്രദീപ്, ആലത്തൂർ പ്രസന്നൻ, മണവാരി രതീഷ്, ആര്യങ്കോട് പ്രഭാകരൻ, ആറ്റൂർ അനി, മോഹൻ റോയ്, കള്ളിക്കാട് രാധാകൃഷ്ണൻ, വെള്ളറട മണികണ്ഠൻ, വെള്ളറട സുരേന്ദ്രൻ, സുജിതകുമാരി, സജ, പി.എ. നീല, സുരേഷ്, പ്രവീൺ തുടങ്ങിയവർ പങ്കെടുത്തു.
ബിജെപി വാമനപുരം മണ്ഡലം കമ്മറ്റി നടത്തിയ പ്രതിഷേധ ധർണ ബിജെപി സംസ്ഥാന സമിതിയംഗം മലയിൻകീഴ് രാധാകൃഷ്ണൻ ഉദ്ഘാടനം ചെയ്തു.
മണ്ഡലം പ്രസിഡന്റ് എസ്.ആർ. റെജികുമാർ, വെള്ളയംദേശം അനിൽ, ആർ.ആർ. ഷാജി, ലാലി സതീശൻ, ബിജി ബാബു, വിഷ്ണു ചിറത്തലയ്ക്കൽ, മാമൂട് മധു എന്നിവർ പങ്കെടുത്തു.
ബിജെപി ആറ്റിങ്ങൽ മുനിസിപ്പാലിറ്റിക്ക് മുന്നിൽ ധർണ നടത്തി. ബിജെപി വെസ്റ്റ് മേഖലാ പ്രസിഡന്റ് രാജേഷ് മാധവൻ അധ്യക്ഷത വഹിച്ചു. കൗൺസിലർമാരായ പദ്മനാഭൻ, ശ്രീലത, ശ്രീദേവി, ഭാരവാഹികളായ ഗോപകുമാരൻ നായർ, ശിവൻപിള്ള, സന്തോഷ്, അജിത് പ്രസാദ്, ചന്ദ്രബാബു, അനിൽ എസ്.പി., മുകേഷ്, ശ്രീനാഥ്, രാജേഷ്, ദേവൻ, പ്രദീപ്, രതി പങ്കെടുത്തു.
