ന്യൂദല്ഹി: ക്രിക്കറ്റ് ഇതിഹാസം സച്ചിന് തെണ്ടുല്ക്കര് തന്റെ നാല്പത്തിഏഴാം പിറന്നാള് ദിനം ആരംഭിച്ചത് അമ്മയുടെ ആഷിര്വാദത്തോടെ. അമ്മയുടെ അനുഗ്രഹത്താല് ദിവസം ആരംഭിച്ചത് അമൂല്യമെന്ന് താരം ട്വീറ്റ് ചെയ്തു. അമ്മ തനിക്ക് സമ്മാനിച്ച ഗണപതി വിഗ്രഹത്തിന്റെ ചിത്രവും സച്ചിന് പങ്കുവച്ചു.
ആരാധകരും ക്രിക്കറ്റ് ലോകവും സച്ചിന്റെ ജന്മദിനം ഏറെ പ്രാധാന്യത്തോടെ ആഘോഷിച്ചിരുന്നു. ഇത്തവണ ഒന്നും ഉണ്ടാകില്ല. ഡോക്ടര്മാര്, നേഴ്സുമാര്, പാരാമെഡിക്കല് സ്റ്റാഫുകള്, പോലീസുകാര് എന്നിങ്ങനെ മുന് നിരയില് നിന്ന് നമുക്ക് വേണ്ടി പ്രവര്ത്തിക്കുന്നവര്ക്കുള്ള ആദരവാണ് ഇതെന്ന് സച്ചിന് കരുതുന്നു. ജന്മദിനാഘോഷത്തെ കുറിച്ചുള്ള സംസാരങ്ങള് സച്ചിനെ അസ്വസ്ഥപ്പെടുത്തുന്നുണ്ടെന്നും അദ്ദേഹത്തോട് അടുത്ത വൃത്തങ്ങള് അറിയിച്ചു.
പതിനാറാം വയസ്സില് ഇന്ത്യന് ക്രിക്കറ്റ് ടീമില് കളിച്ചു തുടങ്ങിയ സച്ചിന്റെ പേരില് നിരവധി നേട്ടങ്ങളുടെ പട്ടികയുണ്ട്. 24 വര്ഷത്തോളം നീണ്ടുനിന്ന സച്ചിന്റെ കരിയറ് നിരവധി വ്യക്തികള്ക്ക് പ്രജോദനമയി. ക്രിക്കറ്റ് ദൈവമെന്ന് ആരാധകര് വിശേഷിപ്പിക്കുന്ന സച്ചിന് നിരവധി പ്രമുഖര് പിറന്നാളാശംസകള് നേര്ന്നു.
