ന്യൂദല്‍ഹി: എന്തിനെയെങ്കിലും എതിര്‍ക്കുക എന്നത് ഇടത് സംഘടകളുടെ നയമായി മാറിയിരിക്കുന്ന ഈ കാലത്ത് പുതിയ ഇരയെ കണ്ടുപിടിച്ചിരുക്കുകയാണ് ദല്‍ഹി സര്‍വകലാശാല പ്രൊഫസറും ദ വയറിന്റെ സ്ഥാപക എഡിറ്ററുടെ ഭാര്യയുമായ നന്ദിനി സുന്ദര്‍. ബ്രാഹ്മിന്‍ സാമ്പാര്‍ പൊടിയാണ് നന്ദിനി കണ്ടുപിടിച്ച പുതിയ ഇര. ആമസോണ്‍ ഹോസ്റ്റുചെയ്യുന്ന ഈ ഉത്പന്നം ജാതീയത പ്രോത്സാഹിപ്പിക്കുന്നുവെന്നും ഇത് നിരോധിക്കണമെന്നുമാണ് ഇവരുടെ വാദം.
‘ഡൈറക്ക്റ്റ് ഫ്രം എ ബ്രാഹ്മിന്‍ ഹോം’ എന്ന ഉത്പന്നത്തിന്റെ ടാഗ് ലൈനാണ് ഇവരെ ചൊടിപ്പിച്ചതെന്ന് നന്ദിനിയുടെ ട്വീറ്റ് വ്യക്തമാക്കുകയാണ്. എല്ലാ പരസ്യങ്ങളിലേയും പോലെ ഒരു കച്ചവട തന്ത്രം മാത്രമാണ് ഇത്. എന്നാല്‍, ഇടതുപക്ഷത്തെ ചൊടിപ്പിക്കാന്‍ ഇതുതന്നെ ധാരാളമാണെന്നതിന്റെ തെളിവാണ് നന്ദിനിയുടെ വാദങ്ങള്‍. ഇതിലെ വിരോധാഭാസം എന്തെന്നാല്‍ ഭക്ഷണത്തിന് മതമില്ലെന്ന് ഓണ്‍ലൈന്‍ ഫുഡ് കമ്പനി സോമാറ്റോ പറഞ്ഞപ്പോള്‍ അനുകൂലിച്ച അതെ വ്യക്തികളാണ് ഇപ്പോള്‍ ഭക്ഷണത്തിനു ജാതി ഉണ്ടെന്ന് വിശ്വസിക്കുന്നത്.
ഹലാല്‍ ചിക്കനുള്‍പ്പെടെയുള്ള നിരവധി ഭക്ഷവസ്തുകള്‍ വിപണിയില്‍ ശ്രദ്ധനേടുമ്പോഴാണ് ബ്രാഹ്മിന്‍ സാമ്പാര്‍ പൊടിയെ എതിര്‍ത്തു ് നന്ദിനി രംഗംത്തെത്തിരിക്കുന്നത്. ഇടത് സംഘടകളുടെയും സാമൂഹിക പ്രവര്‍ത്തകരുടെയും ഇത്തരത്തിലുള്ള സെലക്റ്റിവ് ആക്റ്റിവിസത്തിനു നേരെ പ്രതിഷേധമുയര്‍ന്നിട്ടുണ്ട്. നവാസ് മീരന്റെ ഉടമസ്ഥതയിലുള്ള ഈസ്‌റ്റേണ്‍ ഗ്രൂപ്പിന്റെ ബ്രാന്‍ഡിലും ബ്രാഹ്മിന്‍ സാമ്പാര്‍ പൊടി വിപണിയിലുണ്ട്. അതിനാല്‍ നന്ദിനി സുന്ദര്‍ അവരുടെ തെറ്റ് തിരുത്തി അതിനെ മതേതര സാമ്പാര്‍ പൊടിയായി അംഗീകരിക്കുമൊ അതോ മുസ്ലീങ്ങള്‍ ഒരു ഉല്‍പ്പന്നത്തെ ബ്രാഹ്മണന്റെതായി വിപണനം ചെയ്യുന്നതിനെതിരെ പ്രതിഷേധിക്കുമൊ എന്നും റിട്വീറ്റുകളിലുടെ സമൂഹം പ്രതികരിച്ചു.
