കോഴിക്കോട്: സാംസ്കാരിക പ്രവര്ത്തകന് എം.എന്. കാരശ്ശേരിക്കു നെരെ പി.വി. അന്വര് എംഎല്എയുടെ സംഘം ആക്രമണം നടത്തിയതായി ആരോപണം. കോഴിക്കോട് കക്കാടംപൊയിലില് വെച്ചാണ് കാരശ്ശേരിക്കും സംഘത്തിനും നേരെ ആക്രമണമുണ്ടായത്.
അന്വറിന്റെ അനധികൃത നിര്മാണങ്ങളെക്കുറിച്ച് പരിശോധിക്കാനാണ് കാരശ്ശേരിയും സംഘവും കക്കാടംപൊയിലില് എത്തിയത്. പരിശോധനയ്ക്കിടെയാണ് ഇവര്ക്കുനേരെ ആക്രമണമുണ്ടായത്. അതേസമയം പി.വി. അന്വര് എം.എല്.എയുടെ കൂലിക്കാരാണ് ആക്രമണത്തിനു പിന്നില് പ്രവര്ത്തിച്ചതെന്ന് ആരോപണം ഉയര്ന്നിട്ടുണ്ട്.
ഇതോടൊപ്പം സാംസ്കാരിക പ്രവര്ത്തകരായ കെ.എം. ഷാജഹാന്, ഡോ. ആസാദ് തുടങ്ങിയവര്ക്കു നേരെയും ആക്രമണങ്ങളുണ്ടായി. ആക്രമണത്തില് പ്രതിഷേധിച്ച് സാംസ്കാരിക പ്രവര്ത്തകര് കോഴിക്കോട് പ്രതിഷേധ പ്രകടനം നടത്തി.
