ന്യൂദല്ഹി: കശ്മീരിനു പ്രത്യേക പദവി വിഭാവനം ചെയ്ത 370-ാം വകുപ്പ് കേന്ദ്രസര്ക്കാര് റദ്ദാക്കിയതോടെ ഇതുമായി ബന്ധപ്പെട്ട പഴയകാല സമരങ്ങളും വീണ്ടും ചര്ച്ചയാകുന്നു. ഇപ്പോള് ജമ്മു കശ്മീര് പുനഃസംഘടനാ ബില് രാജ്യസഭ പാസാക്കിയതിന് പിന്നാലെ ബിജെപി ജനറല് സെക്രട്ടറി രാം മാധവ് ട്വിറ്ററില് പങ്കുവെച്ച ചിത്രമാണ് സോഷ്യല് മീഡിയയില് വൈറല് ആയിരിക്കുന്നത്. പ്രധാനമന്ത്രി നരേന്ദ്രമോദി 370-ാം വകുപ്പിനെതിരെ സമരം ചെയ്യുന്ന നരേന്ദ്രമോദിയുടെ പഴയകാല ചിത്രമാണ് രാം മാധവ് പങ്കുവച്ചത്.
‘370 റദ്ദാക്കൂ, തീവ്രവാദം അവസാനിപ്പിക്കൂ, രാജ്യത്തെ രക്ഷിക്കൂ’ എന്ന ബാനറിന് മുന്നിലിരുന്ന് സമരം ചെയ്യുന്ന നരേന്ദ്രമോദിയുടെ പഴയകാല ചിത്രമാണ് പ്രചരിക്കുന്നത്. 370-ാം വകുപ്പ് റദ്ദാക്കുന്നത് ഈ അനുച്ഛേദം വന്ന അന്ന് മുതല് ബിജെപിയുടെ ആവശ്യമായിരുന്നു. ബിജെപിയുടെ പ്രകടനപത്രികയിലും ഇക്കാര്യം വ്യക്തമാക്കിയിരുന്നു. അധികാരത്തിലേറി മാസങ്ങള്ക്കുള്ളില് ആര്ട്ടിക്കിള് 370 റദ്ദാക്കിയ മോദിസര്ക്കാരിനെ പ്രശംസിച്ചും മോദിയുടെ പഴയകാല ചിത്രം പങ്കുവച്ചും നിരവധി പേരാണ് രംഗത്തെത്തിയിരിക്കുന്നത്.
ജമ്മു കശ്മീരിന് പ്രത്യേക പദവിയും അധികാരങ്ങളും നല്കിയ തീരുമാനത്തിനെതിരേ ആദ്യമായി ശക്തിയുക്തം എതിര്ത്തിയത് ജനസംഘം സ്ഥാപകന് ശ്യാമപ്രസാദ് മുഖര്ജിയായിരുന്നു. 1949ല് പ്രധാനമന്ത്രി ജവഹര്ലാല് നെഹ്റു എടുത്ത തീരുമാനത്തിനെതിരേ ഒരു രാജ്യം, ഒരു ഭരണഘടന, ഒരു പതാക എന്ന മുദ്രാവാക്യം ഉയര്ത്തിയാണ് മുഖര്ജി 370-ാം വകുപ്പിനെതിരെ ആദ്യം പ്രചാരണമാരംഭിച്ചത്. ജമ്മു കശ്മീരിനു പ്രത്യേക ഭരണഘടന എന്ന ആവശ്യം ഭരണഘടനാ അസംബ്ലിയില് അദ്ദേഹം ശക്തമായി എതിര്ത്തു. അദ്ദേഹത്തിന്റെ അഭിലാഷത്തിന്റെ പൂര്ത്തീകരണം കൂടിയാണ് ബിജെപി സര്ക്കാര് പ്രഖ്യാപനത്തിലൂടെ ഉണ്ടായത്.
