ചക്കരക്കല്: ലോകത്തിലെ ഏറ്റവും ഉന്നതമായ ശാസ്ത്ര പാരമ്പര്യമാണ് ഭാരതത്തിനുള്ളതെന്നും അതിനെ വളര്ത്തുവാനും പരിപോഷിപ്പിക്കുവാനുമുള്ള ചുമതല വിദ്യാര്ത്ഥി സമൂഹത്തിനുണ്ടെന്ന് ഭാരതീയ വിചാരകേന്ദ്രം കണ്ണൂര് ജില്ലാ പ്രസിഡന്റ് ഡോ:ഇ.ബാലകൃഷ്ണന് പറഞ്ഞു. ഭാരതീയ വിചാര കേന്ദ്രം ചക്കരക്കല് സ്ഥാനീയസമിതിയുടെ ആഭിമുഖ്യത്തില് കണ്ണൂര് യൂണിവേഴ്സിറ്റിയില് നിന്നും ഉന്നതവിജയം നേടിയ എം.കെ.ഗോപികയ്ക്ക് നല്കിയ അനുമോദന യോഗം ഉദ്ഘാടനം ചെയ്ത് സംസാരിക്കുകയായിരുന്നു അദ്ധേഹം.
അതിസമ്പന്നമായ ജ്യോതിശാസ്ത്രത്തിന്റെയും ഗണിതശാസ്ത്രത്തിന്റെയും അവകാശികളാണ് ഭാരതീയര്. കോപ്പര്നിക്കസിന് മുന്പ് തന്നെ സൗരയുഥ സിദ്ധാന്തം കേരളത്തിലെ ജ്യോതിശാസ്ത്രജ്ഞര് ആവിഷ്കരിച്ചിരുന്നെന്നും അദ്ദേഹം പറഞ്ഞു.
ചടങ്ങില് വിചാരകേന്ദ്രം ജില്ലാ സെക്രട്ടറി പി.പ്രകാശന് അധ്യക്ഷത വഹിച്ചു. ഡോ: ബി.സി.സുരേന്ദ്രന് ഉപഹാര സമര്പ്പണം നടത്തി. പി.അരവിന്ദാക്ഷന്, ശ്രീജിത്ത്, കേണല് രാംദാസ്, കെ.സുരേശന് തുടങ്ങിയവര് സംസാരിച്ചു. സി.കെ.ദിനേശ് സ്വാഗതവും യു.രമേശന് നന്ദിയും പറഞ്ഞു.
