റാഞ്ചി: കാലിത്തീറ്റ കുംഭകോണവുമായി ബന്ധപ്പെട്ട രണ്ടാമത്തെ കേസില് ബീഹാര് മുന് മുഖ്യമന്ത്രിയും ആര്.ജെ.ഡി അദ്ധ്യക്ഷനുമായ ലാലു പ്രസാദ് യാദവിന് ശിക്ഷ വിധിക്കുന്നത് പ്രത്യേക സി.ബി.ഐ കോടതി നാളത്തേക്ക് മാറ്റി. കേസില് ലാലു ഉള്പ്പെടെ 15 പേര് കുറ്റക്കാരാണെന്ന് കോടതി നേരത്തെ കണ്ടെത്തിയിരുന്നു.
അതേസമയം, പ്രായം കണക്കിലെടുത്ത് ലാലുവിന് കുറഞ്ഞ ശിക്ഷ നല്കണമെന്ന് അദ്ദേഹത്തിന്റെ അഭിഭാഷകന് കോടതിയില് ആവശ്യപ്പെട്ടു. എന്നാല്, പരമാവധി ശിക്ഷ തന്നെ നല്കണമെന്നായിരുന്നു സി.ബി.ഐയുടെ ആവശ്യം. എന്നാല് ലാലുവിനെതിരെ സി.ബി.ഐ രജിസ്റ്റര് ചെയ്ത ആറു കേസുകളില് രണ്ടാമത്തേതാണിത്.
ലാലു മുഖ്യമന്ത്രിയായിരിക്കെ 1991-94 കാലയളവില് ദിയോഗര് ട്രഷറിയില് നിന്ന് വ്യാജ ബില്ലുകള് നല്കി 84.53 ലക്ഷം രൂപ അനധികൃതമായി പിന്വലിച്ച കേസിലാണ് ലാലുവിന്റെ ശിക്ഷ പ്രഖ്യാപിക്കുക.
