ന്യൂദല്ഹി: മുത്തലാഖ് ക്രിമിനല് കുറ്റമാക്കുന്ന മുസ്ലീം വനിത വിവാഹാവകാശ സംരക്ഷണ ബില്ലിന് കേന്ദ്ര മന്ത്രിസഭ അംഗീകാരം നല്കി. ബില്ല്പാര്ലമന്റിന്റെ ശൈത്യകാല സമ്മേളനത്തില് അവതരിപ്പിക്കും.
മുത്തലാഖ് നിയമവിരുദ്ധവും ജാമ്യമില്ല കുറ്റവുമാക്കുന്നതാണ് കരട് ബില്ല്. ബില്ല് കേന്ദ്ര സര്ക്കാര് നേരത്തെ, സംസ്ഥാന സര്ക്കാറുകളുടെ പരിഗണനക്കയച്ചിരുന്നു. മുത്തലാഖ് ചൊല്ലിയാല് മൂന്നു വര്ഷം വരെ തടവും പിഴയും ബില്ലില് വ്യവസ്ഥചെയ്യുന്നു. വിവാഹമോചന ശേഷം സ്ത്രീക്കും കുഞ്ഞിനും ജീവനാംശത്തിന് അര്ഹതയുണ്ടാവും.
ഭേദഗതി വരുത്തിയ കരടു ബില്ലാണ് മന്ത്രിസഭ അംഗീകരിച്ചത്. ഒറ്റത്തവണ മൂന്ന് തലാഖ് ചൊല്ലി വിവാഹ മോചനം നടത്തുന്നതാണ് മുത്തലാഖ്.
