പറവൂര്: ജനങ്ങള് തിങ്ങിപാര്ക്കുന്ന അത്താണി, സീറോലാന്റ് കോളനി, വാണിയക്കാട്, വഴിക്കുളങ്ങര, കോതകുളം, നന്ത്യാട്ടുകുന്നം, കെടാമംഗലം ഭാഗത്തുകൂടി മന്നം സബ്സ്റ്റേഷനില് നിന്ന് ചെറായിലേക്ക് 110 കെവി ലൈന് വലിക്കാനുള്ള നീക്കം ഉപേക്ഷിക്കണം എന്നാവശ്യപ്പെട്ട് ബിജെപി പദയാത്ര നടത്തി. ഭൂഗര്ഭരീതിയില് ലൈന് വലിക്കണമെന്നും ജനങ്ങളുടെ ജീവനും സ്വത്തിനും സംരക്ഷണം നല്കണമെന്നും ആവശ്യം ഉന്നയിച്ചു. ബിജെപി നിയോജക മണ്ഡലം പ്രസിഡന്റ് എസ്. ജയകൃഷ്ണന് മന്നം മുതല് കണ്ണന്ചിറ വരെ പദയാത്ര നടത്തി. മന്നത്ത് നിന്നാരംഭിച്ച പദയാത്ര ബിജെപി ജില്ലാ പ്രസിഡന്റ് എന്.കെ. മോഹനദാസ് ഉദ്ഘാടനം ചെയ്തു. ബിജെപി കോട്ടുവള്ളി പഞ്ചായത്ത് കമ്മിറ്റി പ്രസിഡന്റ് ബി. ജയപ്രകാശ് അധ്യക്ഷനായി. ജില്ലാ ജനറല് സെക്രട്ടറി അഡ്വ.കെ.എസ്. ഷൈജു മുഖ്യപ്രഭാഷണം നടത്തി. സംസ്ഥാന സമിതി അംഗം എം.എന്. ബാലചന്ദ്രന്, ഒബിസി മോര്ച്ച ജില്ലാ വൈസ് പ്രസിഡന്റ് അജി പോട്ടശ്ശേരി, ജില്ലാ കമ്മിറ്റി അംഗം സോമന് ആലപ്പാട്ട്, അനില് ചിറവക്കാട്, എം.ബി. മനോഹരന്, സുധാചന്ദ്, സിന്ധു നാരായണന്കുട്ടി, പി.ജെ. മദനന്, രാജു മാടവന, അനൂപ് ശിവന്, വി.എസ്. ഷെറിന് എന്നിവര് പ്രസംഗിച്ചു. പെരുമ്പടന്നയില് നടന്ന പൊതുസമ്മേളനം ബിജെപി മദ്ധ്യമേഖല പ്രസിഡന്റ് അഡ്വ.നാരായണന് നമ്പൂതിരി ഉദ്ഘാടനം ചെയ്തു. ജില്ലാ വൈസ് പ്രസിഡന്റ് ടി.പി. മുരളി, സെക്രട്ടറി എം.എന്. ഗോപി തുടങ്ങിയവര് പ്രസംഗിച്ചു.
ജനവാസ കേന്ദ്രത്തിലൂടെ 110 കെവി ലൈന് ബിജെപി പദയാത്ര നടത്തി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.