വൃശ്ചികോത്സവം ഇന്ന്

തൃപ്പൂണിത്തുറ: ഇന്ന് രാവിലെ 7.30 മുതല്‍ പെരുവനം കുട്ടന്‍മാരാരുടെ മേളപ്രമാണത്തില്‍ കാഴ്ചശീവേലി. ഉച്ചയ്‌ക്ക് 12 മണിമുതല്‍ വൈകിട്ട് 5 വരെ അമ്പലപ്പുഴ സുരേഷ് വര്‍മ അവതരിപ്പിക്കുന്ന ഓട്ടന്‍തുള്ളല്‍ അക്ഷയപാത്രം, വയലാര്‍ കൃഷ്ണന്‍കുട്ടി അവതരിപ്പിക്കുന്ന രാമാനുചരിതം, ശ്രീവത്സലം പ്രഫുല്‍കുമാര്‍ അവതരിപ്പിക്കുന്ന സന്താനഗോപാലം. 2.30 മുതല്‍ 5 വരെ ചോറ്റാനിക്കര കള്‍ച്ചറല്‍ റേഡിയോ ക്ലബ്ബിന്റെ നേതൃത്വത്തില്‍ അക്ഷരശ്ലോകം. 5 മുതല്‍ 6 വരെ നാദസ്വരം. തൃപ്പൂണിത്തുറ സംഗമേശന്‍ തമ്പുരാന്റെ പുരാണകഥാപ്രഭാഷണം. 6 മുതല്‍ 7 വരെ എസ്.നന്ദകിഷോറും എസ് നവനീത് കൃഷ്ണനും അവതരിപ്പിക്കുന്ന അഷ്ടപദിക്കച്ചേരി. 7ന് വിളക്കിനെഴുന്നള്ളിപ്പ്. 7മുതല്‍ 9 വരെ സംഗീതക്കച്ചേരി. 8 മുതല്‍ 11.30 വരെ തൃക്കേട്ടദര്‍ശനം (കാണിക്കസമര്‍പ്പണം). 9 മുതല്‍ 12 വരെ വീണക്കച്ചേരി. 12 മുതല്‍ കഥകളി (പൂതനാമോക്ഷം, കര്‍ണ്ണശപഥം, കിരാതം).