നന്ദേഡ് വഗാല കോര്‍പ്പറേഷന്‍ കോണ്‍ഗ്രസ് നിലനിര്‍ത്തി

മുംബൈ: മഹാരാഷ്‌ട്ര പഞ്ചായത്ത് തെരഞ്ഞെടുപ്പില്‍ ബിജെപി നേടിയ വലിയ വിജയത്തിനടക്ക് കോണ്‍ഗ്രസിന് ഒരു ആശ്വാസ ജയം.

നന്ദേഡ് വഗാല സിറ്റി മുനിസിപ്പല്‍ കോര്‍പ്പറേഷന്‍ കോണ്‍ഗ്രസ് നിലനിറുത്തി. 81 അംഗ കോര്‍പ്പറേഷനിലെ 46 സീറ്റുകളിലെ ഫലംമാണ് വന്നത്. അതില്‍ 43 എണ്ണം കോണ്‍ഗ്രസ് നേടി. 20 സ്ഥലങ്ങളില്‍ ലീഡുമുണ്ട്. കോണ്‍ഗ്രസ് നേതാവ് അശോക് ചവാന് വലിയ സ്വാധീനമുള്ള ഈ കോര്‍പ്പറേഷന്‍ കോണ്‍ഗ്രസിന്റെ പിടിയിലുള്ള അവസാനത്തെ കോട്ടയാണ്. ഫലമറിഞ്ഞ 46 എണ്ണത്തില്‍ ബിജെപിക്കും ശിവസേനക്കും ഓരോസീറ്റാണ് ഉള്ളത്.

2012ലെ തെരഞ്ഞെടുപ്പില്‍ ബിജെപിക്ക് ഇവിടെ രണ്ടു സീറ്റു മാത്രമേ ലഭിച്ചിരുന്നുള്ളൂ. ശിവസേനക്ക് 14 സീറ്റുകളുണ്ടായിരുന്നു.

പഞ്ചായത്ത് തെരഞ്ഞെടുപ്പില്‍ ബിജെപി തൂത്തുവാരിയിരുന്നു. ഫലമറിവായ 2974 പഞ്ചായത്തുകളില്‍ ബിജെപിക്ക് 1567 പഞ്ചായത്തുകള്‍ ലഭിച്ചിരുന്നു. കോണ്‍ഗ്രസിന് വെറും 301 എണ്ണമേ ലഭിച്ചിരുന്നുള്ളൂ.