മുംബൈ : മഹാരാഷ്ട്ര പഞ്ചായത്ത് തെരഞ്ഞെടുപ്പില് ബിജെപിക്ക് വന് വിജയം. കോണ്ഗ്രസിന്റെയും ബിജെപിയുടെയും ശക്തി കേന്ദ്രങ്ങളില് പോലും കോണ്ഗ്രസിനും എന്സിപിക്കും കനത്ത തിരിച്ചടി നേരിട്ടു. തെരഞ്ഞെടുപ്പു നടന്ന 2974 പഞ്ചായത്തുകളില് 1457 ഇടത്തും ബിജെപി ഭരണം നേടി. ബിജെപിയെ വെല്ലുവിളിച്ച് ഒറ്റയ്ക്ക് മത്സരിച്ച സഖ്യകക്ഷിയായ ശിവസേനയ്ക്ക് 222 പഞ്ചായത്തുകളില് മാത്രമാണ് ജയിച്ചു കയറാനായത്.
കോണ്ഗ്രസ് 301 പഞ്ചായത്തുകളില് ഭരണം നേടിയപ്പോള്, എന്സിപി 194 പഞ്ചായത്തുകളില് വിജയിച്ചു. വിദര്ഭ മറാത്ത്വാഡ, വടക്കന് മഹാരാഷ്ട്ര എന്നീ മേഖലകളിലെ 18 ജില്ലകളിലാണ് തെരഞ്ഞെടുപ്പ് നടന്നത്. കര്ഷകര്ക്ക് നിര്ണായക സ്വാധീനമുളള വിദര്ഭ ഉള്പ്പടെയുളള പ്രദേശങ്ങളില് നേടിയ വന് വിജയം ബിജെപിക്കും മുഖ്യമന്ത്രി ദേവേന്ദ്ര ഫഡ്നാവിസിനും കരുത്തേകും.
കര്ഷകരുടെ അഭിവൃദ്ധിക്കായി ആവിഷ്കരിച്ച നിരവധി പദ്ധതികളും വായ്പ എഴുതിതളളാന് സ്വീകരിച്ച നടപടികളും ഫഡ്നാവിസ് സര്ക്കാരിന് തുണയായെന്നാണ് രാഷ്ട്രീയ നിരീക്ഷകരുടെ നിഗമനം മുംബൈ ഉള്പ്പടെയുളള മഹാരാഷ്ട്രയിലെ നഗരസഭാ തെരഞ്ഞെടുപ്പുകളിലും ബിജെപി തിളക്കമാര്ന്ന വിജയം നേടിയിരുന്നു.
