സൈനികനെ മര്ദ്ദിച്ചവര്ക്കെതിരെ കര്ശന നടപടിവേണം: പൂര്വ്വസൈനിക സേവാപരിഷത്ത്
കോഴിക്കോട്: സൈനികനെ മര്ദ്ദിച്ചവര്ക്കെതിരെ കര്ശന നടപടി സ്വീകരിക്കണമെന്ന് പൂര്വ്വസൈനിക സേവാപരിഷത്ത് സംസ്ഥാന വൈസ്പ്രസിഡന്റ് വേലായുധന് കളരിക്കല് ആവശ്യപ്പെട്ടു. സൈനികനെ സിപിഎം അക്രമികള് മര്ദ്ദിച്ചതില് പ്രതിഷേധിച്ച് പൂര്വ്വസൈനിക സേവാപരിഷത്തിന്റെ ആഭിമുഖ്യത്തില് കിഡ്സണ് കോര്ണറില് വായ്മൂടിക്കെട്ടി നടത്തിയ പ്രകടനം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം. കുന്ദമംഗലം പിലാശ്ശേരി സുരേന്ദ്രന്റെ മകന് ആഷിഷിനെയാണ് ക്ഷേത്രോത്സവ പറമ്പില് വെച്ച് സിപിഎമ്മുകാര് അതിക്രൂരമായി മര്ദ്ദിച്ചത്. ഇത്തരമൊരു സംഭവം കേരളത്തിന് നാണക്കേടുണ്ടാക്കിയെന്നും പ്രതികള്ക്ക് തക്ക ശിക്ഷ നല്കണമെന്നും അദ്ദേഹം ആവശ്യപ്പെട്ടു. കിഡ്സണ് കോര്ണറില് നടന്ന പ്രതിഷേധത്തില് ജില്ലാപ്രസിഡന്റ് ശശികുമാര്, ജില്ലാസെക്രട്ടറി രാജന് നായര്, അരവിന്ദാക്ഷന് എന്നിവര് സംസാരിച്ചു. ബാബുരാജ്, രാധാകൃഷ്ണന് നായര്, ഗോവിന്ദരാജ് എന്നിവര് നേതൃത്വം നല്കി.
