തിരുവനന്തപുരം: തിരുവനന്തപുരം വിമാനത്താവളത്തിലെ ടാക്സി ഡ്രൈവര്മാരുടെ ക്ഷേമത്തിനെന്ന പേരില് രൂപീകരിച്ചിട്ടുള്ള വെല്ഫെയര് അസസിയേഷനില് നടക്കുന്ന അഴിമതിയെക്കുറിച്ച് വിജിലന്സ് അന്വേഷണം നടത്തണമെന്ന് തിരുവനന്തപുരം ജില്ലാ ടെമ്പോ-ടാക്സി മസ്ദൂര് സംഘം ജനറല് സെക്രട്ടറി ഗോവിന്ദ്.ആര് തമ്പി ആവശ്യപ്പെട്ടു.
കഴിഞ്ഞ ഇരുപത്തി ഏഴ് വര്ഷമായി അസോസിയേഷന്റെ കണക്ക് അവതരിപ്പിക്കാതെ പ്രസിഡന്റും സെക്രട്ടറിയും ചേര്ന്ന് കോടികളുടെ അഴിമതി നടത്തുകയും കെട്ടിട ഫണ്ടിന്റെ പേരില് പിരിച്ച തുകയുടെ കണക്കും വ്യക്തമാക്കിയിട്ടില്ല. ഈ കാരണം ചൂണ്ടിക്കാണിച്ച തൊഴിലാളികള്ക്കെതിരെ ശിക്ഷണ നടപടികളും, ഭീഷണിയും ഉണ്ടായതിന്റെ അടിസ്ഥാനത്തില് ബിഎംഎസ് യൂണിയനില് ചേര്ന്ന തൊഴിലാളികളുടെ തൊഴില് നിഷേധിക്കുന്ന നടപടിയാണ് അസോസിയേഷന് നേതൃത്വം ചെയ്തുവരുന്നത്.
തൊഴിലാളി ദ്രോഹ നടപടികളുമായി അസോസിയേഷന് മുന്നോട്ടുപോകുന്ന സാഹചര്യത്തില് ശക്തമായ പ്രക്ഷോഭ പരിപാടികള് സംഘടിപ്പിക്കാന് തിരുവനന്തപുരം ജില്ലാ ടെമ്പോ-ടാക്സി മസ്ദൂര് സംഘം തീരുമാനിച്ചിട്ടുണ്ടെന്നും വാര്ത്താക്കുറുപ്പില് അറിയിച്ചു.
