തിരുവനന്തപുരം:വിശ്വഹിന്ദു പരിഷത്ത് മുന് ജില്ലാ സെക്രട്ടറിയും കല്ലമ്മന് ക്ഷേത്രം മുന് സെക്രട്ടറിയുമായിരുന്ന ജി. രാമചന്ദ്രന് നായര് അനുസ്മരണ സമ്മേളനം വിചാരകേന്ദ്രത്തില് നടന്നു.ക്ഷേത്രങ്ങളുടെയും ഹൈന്ദവ പ്രസ്ഥാനങ്ങളുടെയും പുനരുദ്ധരണത്തിന് അഹോരാത്രം പ്രവര്ത്തിച്ചിരുന്ന വ്യക്തയായിരുന്നു ജി. രാമചന്ദ്രന് നായരെന്ന് ഒബി സി മോര്ച്ച സംസ്ഥാന പ്രസിഡന്റ് പുഞ്ചക്കരി സുരേന്ദ്രന് പറഞ്ഞു. വിശ്വഹിന്ദുപരിഷത്തിന്റെ ജില്ലാ സെക്രട്ടറിയായിരുന്ന കാലത്ത് ഒരു കാരണവരെപ്പോലെ പ്രവര്ത്തിച്ചിരുന്ന അദ്ദേഹം യുവാക്കള്ക്ക് പ്രചോദനമായിരുന്നു എന്നും പുഞ്ചക്കരി സുരേന്ദ്രന് അനുസ്മരിച്ചു.
ഹിന്ദു സംഘടനകള്ക്കുവേണ്ടി അദ്ദേഹം അക്ഷീണം പ്രയത്നിച്ചിരുന്നു എന്ന്് വിശ്വഹിന്ദു പരിഷത്ത് ജില്ലാ അദ്ധ്യക്ഷന് അഡ്വ. മോഹന്കുമാര് പറഞ്ഞു.നാശോന്മുഖമായിക്കൊണ്ടിരുന്ന പാറക്കാവില് ക്ഷേത്രം മാര്ക്സിസ്റ്റുകാര് കൈയേറിയപ്പോള് ക്ഷേത്രം സംരക്ഷിക്കാനുറച്ച് ജീവന് പണയംവച്ച് പോരാടി വിശ്വഹിന്ദു പരിഷത്തിന്റെ കൈകളില് ഏല്പ്പിച്ചത് അദ്ദേഹമായിരുന്നു എന്ന്്് മോഹന്കുമാര് കൂട്ടിച്ചേര്ത്തു. അനുസ്മരണച്ചടങ്ങില് കല്ലമ്മന് ക്ഷേത്രം സെക്രട്ടറി സുകുമാരന് നായര്, മംഗലത്തുകോണം സുധി, വിശ്വഹിന്ദു പരിഷത്ത് ജില്ലാ ട്രഷറര് അരവിന്ദന്, ഭാരതീയ വിചാരകേന്ദ്രം പ്രചാരക് സുരേന്ദ്രന് തുടങ്ങിയവര് സംസാരിച്ചു.
