കരുനാഗപ്പള്ളി: ഓച്ചിറ ബ്ലോക്ക് പഞ്ചായത്ത് ഒന്നാം വാര്ഷികം 13 മുതല് ഡിസംബര് 13 വരെ ഒരു മാസക്കാലം വിവിധ പരിപാടികളോടെ ആഘോഷിക്കുന്നു. ജില്ലയിലെ ആദ്യവെളിയിടവിസര്ജ്യമുക്ത ബ്ലോക്ക് പഞ്ചായത്ത് ആകുവാനും, എസ്എസ്എല്സി പ്ലസ് ടു പരീക്ഷയില് മുഴുവന് വിഷയത്തിനും എ പ്ലസ് നേടിയ വിദ്യാര്ത്ഥികളേയും വിദ്യാഭ്യാസ സ്ഥാപനങ്ങളേയും ആദരിച്ചു. ആഘോഷഭാഗമായി സൗജന്യ ക്യാന്സര് രോഗനിര്ണ്ണയക്യാമ്പ്, വ്യവസായസെമിനാര്, സാമ്പത്തികസാക്ഷരതാ പരിപാടി, മേറ്റുമാര്ക്കുള്ള പരിശീലനം, തൊഴിലാളി വിദ്യാഭ്യാസക്യാമ്പ്, സൗജന്യ നേത്രപരിശോധനാക്യാമ്പ്,’ഭിന്നശേഷി ഉള്ളവര്ക്കായുള്ള മെഡിക്കല്ക്യാമ്പ്, പട്ടികജാതി വിഭാഗക്കാര്ക്കായുള്ള അവകാശബോധവത്കരണ ക്യാമ്പ്, സ്കൂളുകള് കേന്ദ്രീകരിച്ചുള്ള ലഹരിവിരുദ്ധ ബോധവത്ക്കരണ ക്ലാസുകള്, അവയവദാന സമ്മതപത്രസമര്പ്പണം സമ്പൂര്ണ്ണ പ്ലാസ്റ്റിക്ക് വിമുക്ത പ്രവര്ത്തനങ്ങളുടെ ആരംഭം കുറിക്കല് എന്നീ പരിപാടികളാണ് സംഘടിപ്പിക്കുന്നത്. മന്ത്രിമാര്, എംപിമാര്, എംഎല്എമാര്, ത്രിതല പഞ്ചായത്ത് പ്രതിനിധികള്, സാമ്പത്തിക ആരോഗ്യവ്യവസായ മേഖലകളിലെ വിദഗ്ധര്, വിദ്യാഭ്യാസ പ്രവര്ത്തകര്, ഗ്രാമവികസന വകുപ്പ്, പട്ടികജാതിവികസന വകുപ്പ്, സാമൂഹികനീതിവകുപ്പിലെ ഉദ്യോഗസ്ഥര് എന്നിവര് ക്ലാസുകളെടുക്കുമെന്ന് ഓച്ചിറ ബ്ലോക്ക് പഞ്ചായത്ത് പ്രസിഡന്റ് ഷെര്ളി ശ്രീകുമാര്, സ്ഥിരംസമിതി ചെയര്മാന്മാരായ എ.മജീദ്, ബി.സുധര്മ, സീനാ നവാസ്, മെമ്പര്മാരായ എന്.കൃഷ്ണകുമാര്, പി.ജയശ്രീ, കോഓര്ഡിനേറ്ററായ കെ.ജി ബാലചന്ദ്രന് എന്നിവര് അറിയിച്ചു.
ഓച്ചിറ ബ്ലോക്ക് പഞ്ചായത്തിന്റെ വാര്ഷികാഘോഷം നാളെമുതല്
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.