പെരിന്തല്മണ്ണ: ജ്വല്ലറിയില് മോഷണം നടത്തി മുങ്ങിയ പ്രതി പിടിയിലായി. സിസിടിവി ദൃശ്യങ്ങളാണ് നിര്ണ്ണായക തെളിവായത്. വെട്ടത്തൂര് കാപ്പ് സ്വദേശി നെച്ചി ത്തൊടി വട്ടില് ഷിഹാബുദീനാണ്(29) അറസ്റ്റിലായത്. കഴിഞ്ഞ മാസം രണ്ടിന് വൈകിട്ട് നാലു മണിയോടെയാണ് കേസിനാസ്പദമായ സംഭവം. മണ്ണാര്ക്കാട് ടൗണില് സ്ത്രീകള് മാത്രമുള്ള ഒരു ജ്വല്ലറിയില് ആഭരണം വാങ്ങാനെന്ന വ്യാജേനയെത്തിയ ഇയാള് ഡിസ്പ്ലേ ചെയ്തതായ മോതിര ട്രേയില് നിന്നും ഒരു മോതിരം മോഷഠിച്ച് രക്ഷപ്പെടുകയായിരുന്നു. പിന്നീട് സ്റ്റോക്കില് വ്യത്യാസം കണ്ട ജ്വല്ലറി ജീവനക്കാര് സിസിടിവി ദൃശ്യങ്ങള് പരിശോധിച്ചപ്പോഴാണ് മോഷണം നടന്നതായി മനസിലായത്.
പ്രതിയുടെ പേരില് 2013 ല് അങ്ങാടിപ്പുറത്തുള്ള ഒരു ജ്വല്ലറിയില് നിന്നും ഒരു ജോഡി കമ്മല് കളവു നടത്തിയതിനും, കഞ്ചാവ് കൈവശം വെച്ചതിനും കേസുകളുണ്ട്. കൂടാതെ ഇത്തരത്തിലുള്ള മറ്റു കേസുകളില് ഉള്പ്പെട്ടിരിക്കുന്നുണ്ടോയെന്നും അന്വേഷിക്കുന്നുണ്ടെന്നും പോലീസ് അറിയിച്ചു. പെരിന്തല്മണ്ണ ഡിവൈഎസ്പി എം.പി.മോഹനചന്ദ്രന്, സിഐ സാജു.കെ.അബ്രഹാം, എസ്ഐ ജോബി തോമസ്, പെരിന്തല്മണ്ണ ടൗണ് ഷഡോ പോലീസ് ടീമംഗങ്ങളായ പി.എന്.മോഹനകൃഷ്ണന്, എന്.ടി.കൃഷ്ണകുമാര്, സി.പി.മുരളി, മനോജ്, അഭിലാഷ് കൈപ്പിനി, ടി.സെലീന, എ.മോഹന്ദാസ് എന്നിവരടങ്ങിയ സംഘമാണ് പ്രതിയെ അറസ്റ്റ് ചെയ്തത്.
