കുമ്പള: കുമ്പള ഐഎച്ച്ആര്ഡി കോളേജ് കെട്ടിടം ഉടന് ആരംഭിക്കണമെന്ന് ബിജെപി കുമ്പള പഞ്ചായത്ത് കമ്മറ്റി ആവശ്യപ്പെട്ടു. കഴിഞ്ഞ എല്ഡിഎഫ് ഭരണ കാലത്ത് 2010ല് കുമ്പള പഞ്ചായത്തിലെ കുണ്ടുങ്കരടുക്കയില് ശിലാസ്ഥാപനം നടത്തിയിരുന്നു. എന്നാല് അതിനുശേഷം വന്ന യുഡിഎഫ് സര്ക്കാര് ഇതില് ഒരു നടപടിയും സ്വീകരിച്ചില്ല. മുമ്പ് ശിലാസ്ഥാപനം നടത്തിയ സര്ക്കാറാണ് ഇപ്പോള് അധികാരത്തില് വന്നത്. ഈ സര്ക്കാറും ഇതേ നടപടിയാണ് തുടരുന്നതെങ്കില് ശക്തമായ സമരപരിപാടികളുമായി ബിജെപി മുന്നോട്ട് വരുമെന്ന് ബിജെപി കുമ്പള പഞ്ചായത്ത് പ്രസിഡന്റ് ശങ്കരആള്വയുടെ അധ്യക്ഷതയില് ചേര്ന്ന യോഗം തീരുമാനിച്ചു. ആറു മാസത്തിനകം പ്രസ്തുത സ്ഥലത്ത് കോളേജ് തുടങ്ങാനുള്ള നടപടി സ്വീകരിക്കാത്ത പക്ഷം വൃക്ഷത്തൈകള് നട്ടുകൊണ്ടുള്ള സമര പരിപാടി ആരംഭിക്കും. യോഗത്തില് പഞ്ചായത്ത് അംഗങ്ങളായ രമേഷ്ഭട്ട്, സുധാകര് കാമത്ത്, പുഷ്പലത, പ്രേമലത, സുജിത്ത്റൈ, മുരളീധരയാദവ്, ഹരീഷ്ഗട്ടി എന്നിവര് സംസാരിച്ചു. പഞ്ചായത്ത് വൈസ് പ്രസിഡന്റ് കെ.വിനോദന് സ്വാഗതവും, ബിജെപി പഞ്ചായത്ത് ജനറല് സെക്രട്ടറി വസന്തകുമാര് നന്ദിയും പറഞ്ഞു.
ഐഎച്ച്ആര്ഡി കോളേജ് കെട്ടിടം ഉടന് ആരംഭിക്കണം: ബിജെപി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.