ചെങ്ങന്നൂര്: മകനെ താലോലിച്ച് കൊതിതീരും മുന്പാണ് പള്ളിയോടം മറിഞ്ഞുണ്ടായ അപകടത്തില് രാജീവിനെ മരണം തട്ടിയെടുത്തത്. രണ്ടു വര്ഷം മുന്പാണ് അടൂര് ഇളമണ്ണൂര് സ്വദേശിനിയായ ജിഷയെ രാജീവ് വിവാഹം കഴിച്ചത്. ഇവര്ക്ക് അഞ്ച് മാസം മുന്പാണ് ഒരാണ്കുഞ്ഞ് ജനിച്ചത്. ശിവനാരായണന് എന്ന് പേരിട്ട കുട്ടിയുടെ ചോറൂണ് കഴിഞ്ഞ ആഴ്ച ആഘോഷപൂര്വ്വമാണ് നടത്തിയത്.
കുട്ടി ജനിച്ചതോടെ തോണ്ടിയത്ത് വീട്ടില് കളിചിരികളും സന്തോഷവും നിറഞ്ഞ അന്തരീക്ഷമായിരുന്നു. കുഞ്ഞുമൊത്തുള്ള ചിത്രങ്ങള് വാട്സാപ്പും ഫെയ്സ്ബുക്കിലൂടെയും കൂട്ടുകാര്ക്ക് മിക്ക ദിവസങ്ങളിലും രാജീവ് കൈമാറുമായിരുന്നു. കുട്ടി ജനിച്ചശേഷം രാജീവ് കൂടുതല് സന്തോഷവാനിയിരുന്നുവെന്ന് കൂട്ടുകാരും പറയുന്നു.
രാജീവിന്റെ ചെറു പ്രായത്തില്തന്നെ മാതാവ് കനകമ്മ മരിച്ചു. ഏകസഹോദരന് രാജേഷ് ചങ്ങനാശ്ശേരിയിലാണ് കുടുംബസമേതം താമസിക്കുന്നത്. ശാരീരിക അവശതകളുള്ള പിതാവ് രാമചന്ദ്രനും രാജീവിനൊപ്പം കുടുംബ വീട്ടിലാണ് കഴിഞ്ഞിരുന്നത്. കുടുംബത്തിലെ എല്ലാ കാര്യങ്ങളും നോക്കി നടത്തിയിരുന്നത് രാജീവായിരുന്നു.
സ്വകാര്യ കമ്പനിയില് മാനേജരായിരുന്നുവെങ്കിലും കൂടുതല് നല്ലജോലിക്കായി രാജീവ് ശ്രമിച്ചിരുന്നു. ഭാര്യ ജിഷ സ്വകാര്യ ധനകാര്യസ്ഥാപനത്തിലെ ജീവനക്കാരിയാണ്.
